|    Mar 24 Fri, 2017 7:41 pm
FLASH NEWS

കിരീടം സമ്മാനിച്ച് ഇബ്ര പടിയിറങ്ങി

Published : 23rd May 2016 | Posted By: mi.ptk

ibrahimovic

പാരിസ്: സ്വീഡിഷ് ഗോള്‍മെഷീന്‍ സ്റ്റാന്‍ ഇബ്രാഹിമോവിച്ച് വിജയകരമായി പിഎസ്ജി ദൗത്വം അവസാനിപ്പിച്ചു. ഫ്രഞ്ച് കപ്പില്‍ തുടര്‍ച്ചയായ രണ്ടാം തവണയും പിഎസ്ജിയെ ചാംപ്യന്‍മാരാക്കിയാണ് ക്ലബ്ബിന്റെ ഇതിഹാസ താരങ്ങളിലൊരാളായ ഇബ്ര പടിയിറങ്ങിയത്. കലാശപ്പോരാട്ടത്തില്‍ മുന്‍ ജേതാക്കളായ മാഴ്‌സെയെ രണ്ടിനെതിരേ നാലു ഗോളുകള്‍ക്ക് പരാജയപ്പെടുത്തിയാണ് ലീഗ് കിരീടത്തിനു പുറമേ ഫ്രഞ്ച് കപ്പും പിഎസ്ജി തങ്ങളുടെ ഷെല്‍ഫിലെത്തിച്ചത്. ഇതോടെ ഫ്രഞ്ച് കപ്പില്‍ ഏറ്റവും കൂടുതല്‍ തവണ ജേതാക്കളായ മാഴ്‌സെയുടെ റെക്കോഡിനൊപ്പമെത്താനും പിഎസ്ജിക്കായി. ഇരു ടീമും 10 തവണയാണ് ഫ്രഞ്ച് കപ്പില്‍ മുത്തമിട്ടത്.പിഎസ്ജി ജഴ്‌സിയില്‍ തന്റെ അവസാന മല്‍സരത്തിലിറങ്ങിയ ഇബ്രാഹിമോവിച്ചിന്റെ ഇരട്ട ഗോളുകളുമായി കലാശപ്പോരില്‍ ഹീറോയായി. ഈ സീസണിനു ശേഷം പിഎസ്ജി വിടുമെന്ന് താരം നേരത്തെ തന്നെ പ്രഖ്യാപിച്ചിരുന്നു. നിലവില്‍ പിഎസ്ജിയുടെ എക്കാലത്തെയും വലിയ ഗോള്‍വേട്ടക്കാരന്‍ കൂടിയാണ് ഇബ്ര. ബ്ലയ്‌സ് മറ്റുഡി, എഡിന്‍സന്‍ കവാനി എന്നിവരാണ് മാഴ്‌സെയ്‌ക്കെതിരേ പിഎസ്ജിയുടെ മറ്റു സ്‌കോറര്‍മാര്‍.

(Visited 64 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക