|    Mar 25 Sat, 2017 7:32 am
FLASH NEWS

കിണര്‍ വൃത്തിയാക്കുന്നതിനിടെ മൂന്നുപേര്‍ ശ്വാസംമുട്ടി മരിച്ചു

Published : 8th February 2016 | Posted By: SMR

ചിങ്ങവനം (കോട്ടയം): കിണര്‍ വൃത്തിയാക്കാനിറങ്ങിയ മൂന്നുപേര്‍ ശ്വാസംമുട്ടി മരിച്ചു. കുറിച്ചി നെടുങ്ങാടപ്പള്ളി ആന്റണി വര്‍ഗീസ് (ഷിബു-41), പശ്ചിമബംഗാള്‍ മാല്‍ഡ സ്വദേശികളായ ജഹാംഗീര്‍ (26), മുക്താര്‍ (27) എന്നിവരാണു മരിച്ചത്. മൃതദേഹങ്ങള്‍ ചങ്ങനാശ്ശേരി ജനറല്‍ ആശുപത്രി മോര്‍ച്ചറിയില്‍.
കുറിച്ചി കാലായിപ്പടി ഇടശ്ശേരി ചെല്ലപ്പന്‍ എന്നയാളുടെ വീട്ടുകിണര്‍ വൃത്തിയാക്കവെ ഇന്നലെ ഉച്ചയ്ക്ക് 1.30ഓടെയാണു സംഭവം. 40 അടിയോളം ആഴമുള്ള കിണര്‍ ബംഗാള്‍ സ്വദേശികള്‍ വൃത്തിയാക്കുന്നതിനിടെ ശ്വാസംകിട്ടാതായപ്പോള്‍ ഇവരെ രക്ഷിക്കാനായി ഇറങ്ങിയതായിരുന്നു ആന്റണി വര്‍ഗീസ്. ശ്വാസം കിട്ടാതെ ഇദ്ദേഹവും ബോധരഹിതനായി. നാട്ടുകാര്‍ ഉടന്‍ അഗ്നിശമനസേനയെ വിവരമറിയിച്ചു.
കോട്ടയം യൂനിറ്റിലെ ഫയര്‍മാന്‍ ടി യു ഷാജിയും സംഘവും മൂവരെയും പുറത്തെടുത്തെങ്കിലും രക്ഷിക്കാനായില്ല. എസ്‌ഐ എം എസ് ഷിബുവിന്റെ നേതൃത്വത്തില്‍ മേല്‍നടപടി സ്വീകരിച്ചു.

(Visited 60 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക