|    Jul 21 Sat, 2018 11:11 pm
FLASH NEWS
Home   >  News now   >  

കിടിലന്‍ കിഡംബി ശ്രീകാന്ത്‌

Published : 29th October 2017 | Posted By: ev sports

പാരീസ്:  ഫ്രഞ്ച് ഓപണ്‍ സൂപ്പര്‍ സീരീസില്‍ ഇന്ത്യയുടെ കിഡംബി ശ്രീകാന്തിന് കിരീടം. ഫൈനലില്‍ ജപ്പാന്റെ കെന്റ നിഷിമോട്ടോയെ മറുപടിയില്ലാത്ത രണ്ടു സെറ്റുകള്‍ക്കാണ് ലോക നാലാം നമ്പര്‍ താരത്തിന്റെ വിജയം. സ്‌കോര്‍ 21-14, 21-13. ഇതോടെ ഈ സീസണില്‍ ശ്രീകാന്തിന്റെ കിരീടനേട്ടം നാലായി. നേരത്തെ ഡെന്‍മാര്‍ക്ക് ഓപണ്‍ ആസ്‌ത്രേലിയന്‍ ഓപണ്‍ ഇന്തോനേസ്യന്‍ ഓപണ്‍ എന്നീ സൂപ്പര്‍ സീരീസ് കിരീടങ്ങള്‍  ശ്രീകാന്ത് സ്വന്തമാക്കിയിരുന്നു. ലീ ചൊങ് വെയും സായ് പ്രണീതിനെയും അട്ടിമറിച്ചെത്തിയ ലോക റാങ്കിങില്‍ 40 ാം സ്ഥാനത്തുള്ള നിഷിമോട്ടോയുടെ വീര്യം  ശ്രീകാന്തിന്  മുന്നില്‍ നിഷ്പ്രഭമാവുന്ന കാഴ്ചയാണ് ഗ്യാലറി സാക്ഷ്യം വഹിച്ചത്.ടൂര്‍ണമെന്റില്‍ എട്ടാം സീഡായ ശ്രീകാന്ത് സീഡില്ലാ താരമായ ജപ്പാന്റെ കെന്റ നിഷിമോട്ടയെആധികാരികമായാണ് തോല്‍പിച്ചത്. വെറും 35 മിനിറ്റ് നീണ്ട രണ്ടു ഗെയിമിനുള്ളില്‍ തന്നെ നിഷിമോട്ട തോല്‍വി സമ്മതിച്ചു. നേരത്തെ  സെമിയില്‍  എച്ച്എസ് പ്രണോയിയെ പരാജയപ്പെടുത്തിയാണ് ശ്രീകാന്ത് ഫൈനലിലെത്തിയത്‌

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss