|    May 22 Tue, 2018 3:25 pm
FLASH NEWS
Home   >  Todays Paper  >  page 9  >  

കിം ജോങ് ഉന്നിന്റെ പത്‌നിക്ക് പ്രഥമ വനിതാ പദവി നല്‍കും

Published : 20th April 2018 | Posted By: kasim kzm

പ്യോങ്‌യാങ്: ഉത്തര കൊറിയന്‍ ഭരണാധികാരി കിം ജോങ് ഉന്നിന്റെ പത്‌നി റി സോള്‍ ജുവിന് പ്രഥമ വനിതാ പദവി നല്‍കും. കിം ജോങ് ഉന്നും യുഎസ് പ്രസിഡന്റ് ഡോണള്‍ഡ് ട്രംപും തമ്മിലുള്ള ചര്‍ച്ചകള്‍ ആരംഭിക്കാനിരിക്കെയാണു നടപടി. യുഎസില്‍ ഡോണള്‍ഡ് ട്രംപിന്റെ പത്‌നി മെലാനിയ ട്രംപിന്റേതിന് സമാനമായ പദവിയാണ് ഉത്തര കൊറിയയില്‍ റി സോള്‍ ജുവിനും നല്‍കിയത്. കഴിഞ്ഞ 40 വര്‍ഷത്തിനിടെ ആദ്യമായാണ് ഉത്തര കൊറിയന്‍ ഭരണാധികാരിയുടെ പത്‌നിക്കു പ്രഥമ വനിതാ പദവി നല്‍കുന്നത്.
പൊതുവേദികളില്‍ കിം ജോങ് ഉന്നിനൊപ്പം പ്രത്യക്ഷപ്പെടാറുള്ള റി സോള്‍ ജു കഴിഞ്ഞ വാരം ഒരു ചൈനീസ് നൃത്തസംഘത്തിന്റെ ബാലെ അവതരണം വീക്ഷിക്കുന്നതിനായി ഒരു പൊതുവേദിയില്‍ ഒറ്റയ്ക്കു പ്രത്യക്ഷപ്പെട്ടിരുന്നു. ബഹുമാനപ്പെട്ട പ്രഥമ വനിത എന്നു റി സോള്‍ ജുവിനെ ഉത്തര കൊറിയന്‍ മാധ്യമങ്ങളുടെ റിപോര്‍ട്ടുകളില്‍ വിശേഷിപ്പിക്കാനും ആരംഭിച്ചിട്ടുണ്ട്. ഉത്തര കൊറിയയെക്കുറിച്ചുള്ള അസ്വാഭാവികതകള്‍ മാറ്റുന്നതിന്റെ ഭാഗമായാവാം പ്രഥമ വനിതാ പദവിയെന്നു രാഷ്ട്രീയ നിരീക്ഷകര്‍ പറയുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss