|    Oct 18 Thu, 2018 12:36 am
FLASH NEWS
Home   >  Todays Paper  >  page 7  >  

കാസ്ഗഞ്ച് ലഹള: സംഘപരിവാരം വീണ്ടുംകലാപ രാഷ്ട്രീയം കളിക്കുന്നു

Published : 7th February 2018 | Posted By: kasim kzm

ഇംഫാല്‍: അടുത്തിടെ കാസ്ഗഞ്ചിലുണ്ടായ വര്‍ഗീയലഹളയെ പോപുലര്‍ ഫ്രണ്ട് ദേശീയ സെക്രട്ടേറിയറ്റ് യോഗം ശക്തമായി അപലപിച്ചു. കാസ്ഗഞ്ച് ലഹളയും തുടര്‍ന്ന് മുസ്‌ലിം യുവാക്കള്‍ക്കു നേരെയുള്ള പോലിസ് അതിക്രമങ്ങളും 2019ലെ തിരഞ്ഞെടുപ്പിന് മുന്നോടിയായി സംഘപരിവാരം വീണ്ടും കലാപരാഷ്ട്രീയം കളിക്കുന്നുവെന്നതിന്റെ തെളിവാണെന്നു യോഗം ചൂണ്ടിക്കാട്ടി. റിപബ്ലിക്ദിനം ആഘോഷിക്കുകയായിരുന്ന മുസ്്‌ലിം യുവാക്കള്‍ക്കു നേരെ സംഘപരിവാരം അക്രമം അഴിച്ചുവിടുകയായിരുന്നുവെന്നാണ് റിപോര്‍ട്ടുകള്‍ വ്യക്തമാക്കുന്നത്. അക്രമികളെ തടയുന്നതിനു പകരം അവരെ സഹായിക്കുകയാണ് പോലിസ് ചെയ്തതെന്ന് സിസിടിവി ദൃശ്യങ്ങളില്‍ വ്യക്തമാണ്.  വസ്തുതാന്വേഷണസംഘത്തിന്റെ റിപോ ര്‍ട്ട് പ്രകാരം രണ്ട് പള്ളികള്‍ക്കും മുസ്്‌ലിം ഉടമസ്ഥതയിലുള്ള 30ഓളം കടകള്‍ക്കും  നാശനഷ്ടം ഉണ്ടായിട്ടുണ്ട്. വര്‍ഗീയസംഘര്‍ഷങ്ങളിലൂടെയല്ലാതെ തിരഞ്ഞെടുപ്പില്‍ വിജയിക്കാ ല്‍ സാധിക്കില്ലെന്ന് ബിജെപി വീണ്ടും തെളിയിച്ചതായി യോഗം കുറ്റപ്പെടുത്തി.  ചെയര്‍മാന്‍ ഇ അബൂബക്കര്‍ അധ്യക്ഷത വഹിച്ചു. ജനറല്‍ സെക്രട്ടറി എം മുഹമ്മദ് അലി ജിന്ന, വൈസ് ചെയര്‍മാന്‍ ഒ എം എ സലാം, ദേശീയസമിതി അംഗങ്ങളായ അനീസ് അഹമദ്, ഇ എം അബ്ദുറഹ്മാന്‍, അബ്ദുല്‍ വാഹിദ് സെയ്ദ്, എ എസ് ഇസ്മായില്‍, പി കോയ, കെ എം ശെരീഫ് പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss