|    Jan 22 Sun, 2017 11:50 am
FLASH NEWS

കാസര്‍കോട് സ്വദേശി അമേരിക്കയില്‍ വെടിയേറ്റ് കൊല്ലപ്പെട്ടു

Published : 26th June 2016 | Posted By: SMR

ബദിയടുക്ക (കാസര്‍കോട്): ബദിയടുക്ക പള്ളത്തടുക്ക സ്വദേശി സൗത്ത് അമേരിക്കയിലെ വെനിസ്വേലയില്‍ വെടിയേറ്റു മരിച്ചതായി ബന്ധുക്കള്‍ക്ക് വിവരം ലഭിച്ചു. പള്ളത്തടക്കയിലെ കുമാരപ്രസാദാ(41)ണ് മരിച്ചത്.
കൂടെയുണ്ടായിരുന്ന സഹ പ്രവര്‍ത്തകയും കൊല്ലപ്പെട്ടതായി വിവരമുണ്ട്. സൗത്ത് അമേരിക്കയിലെ വെനിസ്വേലയിലെ സ്വന്തം ആയുര്‍വേദ മരുന്നു നിര്‍മാണ ശാലയ്ക്ക് സമീപത്ത് നില്‍ക്കവേ കുമാരപ്രസാദിനെയും വനിതാ സഹപ്രവര്‍ത്തകയെയും അജ്ഞാതര്‍ വെടിവച്ചു കൊല്ലുകയായിരുന്നു. സൗത്ത് അമേരിക്കയിലെ അറിയപ്പെടുന്ന സസ്യ ശാസ്ത്രജ്ഞനായ പരേതനായ ഡോ. കേശവ ഭട്ടിന്റെ മകനാണ് കുമാരപ്രസാദ്. കാന്‍സറിനുള്ള മരുന്ന് ഇദ്ദേഹത്തിന്റെ കമ്പനി പുറത്തിറക്കിയിരുന്നു. ഇത് മറ്റൊരു മരുന്നുകമ്പനിയുമായി തര്‍ക്കത്തിനിടയാക്കിയിരുന്നു. ഇതാണ് കൊലപാതകത്തിന് കാരണമെന്ന് സംശയിക്കുന്നതായി ബന്ധുക്കള്‍ പറഞ്ഞു. മാതാവ്: ദേവകി. സഹോദരങ്ങള്‍: സുമ, പവന്‍, അനസൂയ. എല്ലാവരും അമേരിക്കയിലാണ്.

Share on FacebookShare on Google+Tweet about this on TwitterShare on LinkedIn
(Visited 58 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക