|    Jul 28 Fri, 2017 4:30 am
FLASH NEWS

കാസര്‍കോട് മണ്ഡലം ജനകീയം ജനസമക്ഷം പരിപാടി നാളെ

Published : 21st August 2015 | Posted By: admin

കാസര്‍കോട്: നാടിന്റെ വികസന പ്രവര്‍ത്തനങ്ങളില്‍ ജനങ്ങളുടെ അഭിപ്രായം രേഖപ്പെടുത്താനും ജനകീയപ്രശ്‌നങ്ങളില്‍ എം.പിമാരുടെ ഇടപെടലിനുമുള്ള ആകാശവാണിയുടെ ജനകീയം ജനസമക്ഷം പരിപാടിക്ക് കാസര്‍കോട് ലോകസഭാ മണ്ഡലത്തില്‍ നാളെ രാവിലെ 10.30ന് തുടക്കമാവും.
കലക്ടറേറ്റ് കോണ്‍ഫറന്‍സ് ഹാളില്‍ പി കരുണാകരന്‍ എം.പി. ഉദ്ഘാടനം ചെയ്യും. പരിപാടിയില്‍ ഉന്നയിക്കപ്പെടുന്ന ചോദ്യങ്ങള്‍ക്ക് എം.പി. മറുപടി നല്‍കും. ജില്ലാ ഇന്‍ഫര്‍മേഷന്‍ ഓഫിസിന്റെ സഹകരണേത്താടെയാണ് പരിപാടി നടപ്പാക്കുന്നത്. ജില്ലാ കലക്ടര്‍ പി എസ് മുഹമ്മദ് സഗീര്‍ അധ്യക്ഷത വഹിക്കും.

ജില്ലാ ഇന്‍ഫര്‍മേഷന്‍ ഓഫിസര്‍ കെ ടി ശേഖര്‍, ആകാശവാണി അസി. എന്‍ജിനീയര്‍ സി വി പ്രേമരാജന്‍, കാസര്‍കോട് പീപ്പിള്‍സ് ഫോറം സെക്രട്ടറി പി വിജയന്‍, ആകാശവാണി പ്രോഗ്രാം എക്‌സിക്യൂട്ടീവ് പി വി പ്രശാന്ത് കുമാര്‍ സംബന്ധിക്കും. പരിപാടിയിലേക്കുള്ള കത്തുകള്‍ ജനകീയം ജനസമക്ഷം, ര/ീ സ്റ്റേഷന്‍ ഡയറക്ടര്‍, ആകാശവാണി, കണ്ണൂര്‍ എന്ന വിലാസത്തിലോ, a-ir-k-annur-fm@gm-a-i-l.-com എന്ന ഇ-മെയില്‍ വഴിയോ അയക്കാമെന്ന് ആകാശവാണി പ്രോഗ്രാം മേധാവി കെ ബാലചന്ദ്രന്‍ അറിയിച്ചു. ഇതില്‍ നിന്ന് തിരഞ്ഞെടുക്കുന്നവര്‍ക്ക് നേരിട്ടോ ഫോണ്‍ വഴിയോ എം.പിയുമായി സംസാരിക്കാം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക