|    Jun 23 Sat, 2018 2:17 am
FLASH NEWS

കാളിദാസനെ പോലിസ് കസ്റ്റഡിയില്‍ വിട്ടു

Published : 6th February 2018 | Posted By: kasim kzm

മഞ്ചേരി: ജുഡീഷ്യല്‍ കസ്റ്റഡിയില്‍ കഴിയുന്ന മാവോവാദി തമിഴ്‌നാട് രാമനാഥപുരം പറമ്പക്കുടി പൊന്നയ്യപുരം അറക്കാസിന്റെ മകന്‍ കാളിദാസന്‍ എന്ന ശേഖര്‍ എന്ന മണി (47) യെ കൂടുതല്‍ അന്വേഷണത്തിനും തെളിവെടുപ്പിനുമായി മഞ്ചേരി യുഎപിഎ പ്രത്യേക കോടതി പോലിസ് കസ്റ്റ്ഡിയില്‍ വിട്ടു. ഫെബ്രുവരി ഏഴിന് വൈകീട്ട് അഞ്ചു മണി വരെയാണ് അന്വേഷണ ഉദ്യോഗസ്ഥനായ പെരിന്തല്‍മണ്ണ ഡിവൈഎസ്പി എം പി മോഹനചന്ദ്രന് കോടതി പ്രതിയെ വിട്ടു നല്‍കിയത്.നിലമ്പൂര്‍ മുണ്ടക്കടവ് കോളനിക്ക് സമീപം വനത്തില്‍ മാവോവാദികളുടെ യോഗം വിളിച്ചുകൂട്ടുകയും ആയുധ പരിശീലനം നടത്തുകയും പോലിസിനു നേരെ എകെ 47 തോക്കുപയോഗിച്ച് വെടിയുതിര്‍ക്കുകയും ചെയ്തുവെന്ന കേസിലാണ് അന്വേഷണം നടക്കുന്നത്.  മറ്റൊരു കേസില്‍ 2017 സെപ്തംബര്‍ 21ന് ഷോളയൂരില്‍ വെച്ച് അഗളി പോലിസാണ് കാളിദാസനെ അറസ്റ്റ് ചെയ്തത്.  തുടര്‍ന്ന് നടത്തിയ ചോദ്യം ചെയ്യലിലാണ് മുണ്ടക്കടവിലെ യോഗവും ആയുധ പരിശീലനവും സംബന്ധിച്ച് പോലിസിന് വിവരം ലഭിച്ചത്. കണ്ണൂര്‍ സെന്‍ട്രല്‍ ജയിലില്‍ കഴിയുകയായിരുന്ന കാളിദാസനെ എടക്കര കേസില്‍ 2018 ജനുവരി 10ന് ഫോര്‍മല്‍ അറസ്റ്റ് ചെയ്യുകയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss