|    Mar 26 Sun, 2017 10:24 pm
FLASH NEWS

കാളികാവിലെ ബസ്സപകടം മലയോര മേഖലയെ നടുക്കി

Published : 27th May 2016 | Posted By: SMR

കാളികാവ്: മലയോര പ്രദേശമായ കാളികാവില്‍ ബസ് ബൈക്കുകളെ ഇടിച്ച് വീഴ്ത്തി രണ്ടു പേരുടെ ജീവനെടുത്ത സംഭവം മലയോര ഗ്രാമത്തെ നടുക്കി. നിലമ്പൂര്‍- പെരിന്തല്‍മണ്ണ റൂട്ടിലോടുന്ന സ്വകാര്യ ബസാണ് കാളികാവില്‍ അപകടം വരുത്തിവച്ചത്.
ചുങ്കത്തറ സ്വദേശി ബിനു തോമസും വാണിയംബലം മാടശ്ശേരി സ്വദേശി നിഷാദ് ബാബുവുമാണ് മരിച്ചത്. ബസ് സ്റ്റാന്‍ഡില്‍നിന്നും ആളെ ഇറക്കി മെയിന്‍ റോഡിലേക്കിറങ്ങുന്നതിനിടെ ബസിന്റെ ബ്രേക്ക് പോയതായാണ് അപകട കാരണമായി പറയുന്നത്. അപകടം അറിഞ്ഞ ഉടനെ ആളുകള്‍ ഓടിക്കൂടി രക്ഷാപ്രവര്‍ത്തനം നടത്തി. ചുങ്കത്തറ സ്വദേശിയായ ബിനു സംഭവ സ്ഥലത്ത് മരിച്ചിരുന്നു. മൊബൈല്‍ ഫോണിലെ വിവരങ്ങള്‍ നോക്കിയാണ് മരിച്ചയാളെ തിരിച്ചറിഞ്ഞത്.
വാഹനത്തിന്റെ അടിയില്‍ കുടുങ്ങിയ നിഷാദിനെ പുറത്തെടുത്ത് വണ്ടൂരിലെ സ്വകാര്യ ആശുപത്രിയിലേക്ക് കൊണ്ടും പോകും വഴിയാണ് മരണം സംഭവിച്ചത്. ബസ് ഡ്രൈവര്‍ ശിവദാസനെ മഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
സംഭവത്തില്‍ കാളികാവ് പോലിസ് കേസെടുത്തു. ബസ് കാളികാവ് പോലിസ് കസ്റ്റഡിയിലെടുത്തു. കാളികാവ് എസ്‌ഐ കെ എ സാബു മൃതദേഹത്തിന്റെ ഇന്‍ക്വസ്റ്റ് നടത്തി.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക