|    Nov 17 Sat, 2018 2:07 pm
FLASH NEWS
Home   >  Todays Paper  >  Page 4  >  

കാല്‍നടക്കാര്‍ക്ക് സൗകര്യമൊരുക്കല്‍: അടിയന്തര റിപോര്‍ട്ട് തേടി

Published : 24th October 2018 | Posted By: kasim kzm

തൃശൂര്‍: പാലിയേക്കര ടോള്‍ പ്ലാസയില്‍ കാല്‍നട യാത്രക്കാ ര്‍ക്ക് പ്രത്യേക സൗകര്യം ഒരുക്കാന്‍ ന്യൂനപക്ഷ കമ്മീഷന്‍ നാഷനല്‍ ഹൈവേ പാലക്കാട് മാനേജരോട് അടിയന്തര റിപോ ര്‍ട്ട് തേടി. കലക്ടറേറ്റില്‍ നടന്ന ന്യൂനപക്ഷ കമ്മീഷന്‍ സിറ്റിങില്‍ കമ്മീഷനംഗം അഡ്വ. ടി വി മുഹമ്മദ് ഫൈസലാണ് അടിയന്തര റിപോര്‍ട്ട് ആവശ്യപ്പെട്ടത്. ടോള്‍ പ്ലാസയുമായി ബന്ധപ്പെട്ട് കാല്‍നടക്കാര്‍ക്കുള്ള അസൗകര്യം പരിഗണിക്കാന്‍ പ്രദേശവാസി ജോസ്‌പോള്‍ നല്‍കിയ പരാതിയിലാണു ന്യൂനപക്ഷ കമ്മീഷനംഗത്തിന്റെ ഉത്തരവ്. ദേശീയപാത വികസനവുമായി ബന്ധപ്പെട്ടു ചാവക്കാട് താലൂക്കിലെ എടക്കഴിയൂര്‍ സ്വദേശി സഫിയയുടെ വീടും കടയും പൊളിച്ചുനീക്കുന്ന നടപടിയിലും പിഡബ്ല്യുഡി (റോഡ്‌സ്) അധികൃതരോട് കമ്മീഷന്‍ അടിയന്തര റിപോര്‍ട്ട് തേടി.
പ്രവാസി കമ്മീഷന്‍ റിപോര്‍ട്ട് നടപ്പാക്കണമെന്ന് ആവശ്യപ്പെട്ട് പുന്നയൂര്‍ക്കുളം ഗ്രാമപ്പഞ്ചായത്ത് സെക്രട്ടറിക്ക് ലഭിച്ച പരാതിയില്‍ ഒരു മാസത്തിനകം തീര്‍പ്പുകല്‍പ്പിക്കാനും ഉത്തരവിട്ടു. തൃശൂര്‍, പാലക്കാട് ജില്ലകളിലെ 53 കേസുകളാണ് പരിഗണിച്ചത്. ഇതില്‍ നാലു കേസുകള്‍ തീര്‍പ്പാക്കി. അടുത്ത സിറ്റിങ് നവംബര്‍ 27ന് നടക്കും.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss