|    May 27 Sat, 2017 9:28 pm
FLASH NEWS

കാലവര്‍ഷം കനത്തു; ജില്ലയില്‍ ഒമ്പത് വീടുകള്‍ തകര്‍ന്നു

Published : 26th June 2016 | Posted By: SMR

കാസര്‍കോട്: ജില്ലയില്‍ കാലവര്‍ഷം കനത്തു. ഇതേ തുടര്‍ന്ന് ഒമ്പത് വീടുകള്‍ ഭാഗികമായി തകര്‍ന്നു. 1,70,000 രൂപയുടെ നഷ്ടം കണക്കാക്കുന്നു. ഇന്നലെ രാവിലെ എട്ടിന് അവസാനിച്ച 24 മണിക്കൂറില്‍ 35 മില്ലിമീറ്റര്‍ മഴ ലഭിച്ചതായി കാലാവസ്ഥ നിരീക്ഷണ കേന്ദ്രത്തില്‍ നിന്നും അറിയിച്ചു. ശക്തമായ മഴയില്‍ പലയിടങ്ങളിലും മരങ്ങള്‍ വീണ് ഗതാഗതം തടസ്സപ്പെട്ടു.
പല ഭാഗങ്ങളിലും വൈദ്യുതി വിതരണം തടസ്സപ്പെട്ടു. താഴ്ന്ന പ്രദേശങ്ങള്‍ വെള്ളത്തിനടിയിലാണ്. പുഴകളിലും തോടുകളിലും ജലനിരപ്പ് ക്രമാതീതമായി ഉയര്‍ന്നിട്ടുണ്ട്.
കര്‍ണാടകയില്‍ നിന്ന് ഉത്ഭവിക്കുന്ന പയസ്വിനി, ഷിറിയ, ആരിക്കാടി, ഉപ്പള പുഴകളില്‍ ജലം ഉയര്‍ന്നിട്ടുണ്ട്. കര്‍ണാടകയിലും ശക്തമായ മഴയാണ് രേഖപ്പെടുത്തിയത്. ചന്ദ്രഗിരി പുഴയില്‍ വെള്ളപ്പൊക്ക ഭീഷണിയുമുണ്ട്. ചേരങ്കൈ, ഉപ്പള അതീക്ക എന്നിവിടങ്ങളില്‍ കടലാക്രമണ ഭീഷണിയുമുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day