|    Feb 24 Sat, 2018 6:10 am
FLASH NEWS

കാലടി സര്‍വകലാശാലയില്‍ പഞ്ചിങ് അട്ടിമറിച്ചു

Published : 5th May 2017 | Posted By: fsq

 

കാലടി: സംസ്‌കൃത സര്‍വകലാശാലയില്‍ പഞ്ചിങ് ഏര്‍പെടുത്താനുള്ള നീക്കം ഇടത് സഹയാത്രികരുടെ പിടിവാശിമൂലം അട്ടിമറിക്കപ്പെട്ടു. കാലടി മുഖ്യകേന്ദ്രത്തിലും പ്രാദേശിക കേന്ദ്രങ്ങളിലും 20 ലക്ഷം രൂപ ചെലവിട്ട് പഞ്ചിങ് മെഷീനുകള്‍ സ്ഥാപിച്ചിരുന്നു. കഴിഞ്ഞ സിന്‍ഡിക്കേറ്റാണ് ഈ വിവാദ തീരുമാനമെടുത്തത്. കേന്ദ്ര സര്‍ക്കാരിന്റെ റൂസ പദ്ധതിയില്‍പെടുത്തി വാങ്ങിയ മെഷീനുകള്‍ നോക്കുകുത്തികളായി മാറി. പണിയെടുക്കാതെ കൂലിവാങ്ങാനുള്ള പഞ്ചിങ് വിരുദ്ധരുടെ ചൊല്‍പടിക്ക് ഇടത് സഹയാത്രികര്‍ക്ക് ഭൂരിപക്ഷമുള്ള സിന്‍ഡിക്കേറ്റ് വഴങ്ങുകയായിരുന്നു. ഈ സംവിധാനം ബൂ ര്‍ഷാ രീതിയാണെന്നാണ് ഇക്കൂട്ടരുടെ ഭാഷ്യം. എല്ലാ സര്‍വകലാശാലകളിലും സര്‍ക്കാര്‍ ഓഫിസുകളിലും പഞ്ചിങ് ഏര്‍പെടുത്തണമെന്ന മുഖ്യമന്ത്രിയുടെ നിര്‍ദേശത്തെയാണ് ഇവിടെ തള്ളിക്കളഞ്ഞതും. റൂസയില്‍നിന്ന് വിവിധ പദ്ധതികള്‍ക്ക് പണം ലഭിക്കുന്നതിന് ഈ സംവിധാനം അനിവാര്യമാണെന്നിരിക്കെ ഇവരുടെ നീക്കം അപലപനീയമാണ്. വൈസ് ചാന്‍സലറും രജിസ്ട്രാറുമടക്കം സര്‍വകലാശാല അധികൃതര്‍ പഞ്ചിങ് നടപ്പാക്കുമെന്ന് പ്രഖ്യാപിക്കുകയും അതിനുവേണ്ട എല്ലാ ഒരുക്കങ്ങളും പൂര്‍ത്തീകരിക്കുകയും ചെയ്തവേളയിലാണ് ഇടതന്മാരുടെ മലക്കംമറിച്ചില്‍. ജനുവരിയില്‍ ചേര്‍ന്ന സിന്‍ഡിക്കേറ്റില്‍ ഈ സംവിധാനത്തെക്കുറിച്ച് പരാതിയുയര്‍ന്നപ്പോള്‍ വിശദമായ പഠനത്തിനായി ഉപസമിതിയെ വയ്ക്കുകയുമുണ്ടായി. ഉപസമിതി റിപോര്‍ട്ടും പഞ്ചിങ് വേണമെന്നായിരുന്നു. യുജിസി സ്‌കെയിലില്‍ ശമ്പളംപറ്റുന്നവരും സമയക്രമം പാലിക്കാത്തവരുമാണ് എതിര്‍പിന് പിന്നിലെന്നത് പകല്‍പോലെ സത്യമാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss