|    Mar 30 Thu, 2017 6:19 pm
FLASH NEWS

കാലടി പഞ്ചായത്ത് പ്രസിഡന്റിന്റെ വീട്ടിലേക്ക് ഗുണ്ട് കത്തിച്ചെറിഞ്ഞു

Published : 21st November 2015 | Posted By: SMR

കാലടി: പഞ്ചായത്ത് പ്രസിഡന്റിന്റെ വീട്ടിലേക്ക് ഗുണ്ട് കത്തിച്ചെറിഞ്ഞത് പരിഭ്രാന്തി പരത്തി. കാലടി പഞ്ചായത്ത് പ്രസിഡന്റ് കെ തുളസി ടീച്ചറുടെ വസതിയിലേക്ക് ഇന്നലെ രാത്രി ഏഴോടെ ഗുണ്ട് കത്തിച്ച് എറിയുകയായിരുന്നു.
മുറ്റത്തു വീണ് പൊട്ടുകയും ചെയ്തു. ബൈക്കിലെത്തിയ രണ്ടുപേരാണ് ഇതു ചെയ്തത്. പ്രസിഡന്റും കുടുംബവും ഈ സമയം സമീപത്തുള്ള മരണവീട്ടിലായിരുന്നു. ശബ്ദം കേട്ട് സമീപവാസികള്‍ ഓടിയെത്തിയെങ്കിലും പ്രതികളെ തിരിച്ചറിയാന്‍ കഴിഞ്ഞില്ല.
സിപിഎമ്മില്‍ നിലനില്‍ക്കുന്ന ഗ്രൂപ്പ് വൈര്യമാണ് ഇതിനു പിന്നിലെന്ന് പറയപ്പെടുന്നു. തുളസിയോട് എതിര്‍പ്പോ വിദ്വേഷമോ ഉള്ളവര്‍ ഈ പ്രദേശത്തില്ലെന്നാണ് നാട്ടുകാര്‍ പറയുന്നത്. മറ്റൂര്‍ കവലയ്ക്കു സമീപമാണ് പഞ്ചായത്ത് പ്രസിഡന്റിന്റെ വീട്.
സിപിഎം നേതാക്കളും കാ ലടി പോലിസും സ്ഥലത്തെത്തി.
വീടിനു മുറ്റത്തു നിന്നും ഗുണ്ട് പൊട്ടിയതിന്റെ അവശിഷ്ടങ്ങള്‍ കണ്ടെടുത്തു. നാശനഷ്ടങ്ങളൊന്നും സംഭവിച്ചിട്ടില്ല.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day