|    Oct 16 Tue, 2018 5:24 pm
FLASH NEWS
Home   >  Todays Paper  >  Page 4  >  

കാറ്റാടി യന്ത്രത്തിന്റെ മറവില്‍ തട്ടിപ്പ്: സരിത എസ് നായരുടെ ജാമ്യഹരജി തള്ളി

Published : 29th September 2018 | Posted By: kasim kzm

തിരുവനന്തപുരം: കാറ്റാടി യന്ത്രത്തിന്റെ മറവില്‍ തട്ടിപ്പ് നടത്തിയ കേസില്‍ സരിത എസ് നായരുടെ ജാമ്യഹരജി തിരുവനന്തപുരം അഡീഷനല്‍ സെഷന്‍സ് കോടതി നിരസിച്ചു.
തിരുവനന്തപുരം സ്വദേശി അശോക് കുമാറിന്റെ ഉടമസ്ഥതയിലുള്ള ലെംസ് പവര്‍ ആന്റ് കണക്റ്റ് എന്ന സ്ഥാപനത്തിന് കാറ്റാടി യന്ത്രത്തിന്റെ വിതരണാവകാശം നല്‍കാമെന്നു വാഗ്ദാനം ചെയ്ത് ലക്ഷങ്ങള്‍ തട്ടിയെടുത്തുവെന്നാണ് കേസ്.
2009ലാണ് കേസിന് ആസ്പദമായ സംഭവം. കേസില്‍ കോടതി നേരത്തേ സരിതയ്‌ക്കെതിരേ വാറന്റ് പുറപ്പെടുവിച്ചിരുന്നു. സരിത എസ് നായര്‍, ബിജു രാധാകൃഷ്ണന്‍, ഇന്ദിരാദേവി, ഷൈജു സുരേന്ദ്രന്‍ എന്നിവരാണ് മറ്റു പ്രതികള്‍. തിരുവനന്തപുരം ജില്ലയിലെ കാറ്റാടി യന്ത്രങ്ങളുടെ മൊത്തവിതരണ അവകാശം നല്‍കാമെന്നു വാഗ്ദാനം ചെയ്യുകയും ഇതിലേക്കായി 4,50,000 രൂപ യൂനിയന്‍ ബാങ്ക് ഓഫ് ഇന്ത്യയുടെ ശാഖയില്‍ പരാതിക്കാരന്‍ നിക്ഷേപിക്കുകയും ചെയ്തു. എന്നാല്‍, കാറ്റാടി യന്ത്രങ്ങള്‍ നല്‍കാതെ വന്നപ്പോള്‍ പോലിസില്‍ പരാതി നല്‍കുകയായിരുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss