|    May 28 Mon, 2018 2:58 pm
FLASH NEWS

കാറിന് പിന്നില്‍ ബൈക്കിടിച്ച് മൂന്ന് പേര്‍ക്ക് പരിക്ക്

Published : 1st January 2018 | Posted By: kasim kzm

കടയ്ക്കല്‍: കാറിന് പിന്നില്‍ ബൈക്കിടിച്ച് മൂന്ന് പേര്‍ക്ക് പരിക്കേറ്റു. ചിതറ എപിആര്‍എം സ്‌കൂളിന് സമീപത്ത് ഇന്നലെ ഉച്ചയ്ക്കാണ് അപകടം നടന്നത്. ബൈക്ക് യാത്രികരായ കടയ്ക്കല്‍ ആറ്റുപുറം സ്വദേശികളായ അനന്ദു (18), വിശാല്‍ (19), കാര്‍ ഡ്രൈവര്‍ മടത്തറ ചക്കമല സ്വദേശി അഫ്‌സല്‍ (25) എന്നിവര്‍ക്കാണ് പരിക്കേറ്റത്.
അനന്ദുവിനെ തിരുവനന്തപുരം മെഡിക്കല്‍ കോളജ് ആശുപത്രിയിലും മറ്റുള്ളവരെ കടയ്ക്കല്‍ താലൂക്ക് ആശുപത്രിയിലും പ്രവേശിപ്പിച്ചു.
അമിത വേഗതയില്‍ നീങ്ങിയ ബൈക്ക് കാറിന്റെ പിറകില്‍ ഇടിച്ച ശേഷം റോഡരികിലെ ഓടയിലേയ്ക്ക് മറിയുകയായിരുന്നു. ഇടിയുടെ ആഘാതത്തില്‍ നിയന്ത്രണംവിട്ട കാര്‍ സമീപത്തെ മരത്തില്‍ ഇടിച്ചാണ് നിന്നത്. ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയില്‍ എത്തിച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss