|    Oct 22 Sun, 2017 6:35 am

കാറപകടം: മൂന്നുപേര്‍ക്ക് പരിക്ക്‌

Published : 23rd June 2017 | Posted By: fsq

 

കൊട്ടിയം: ദേശീയപാതയില്‍  മൂന്നു കാറുകള്‍ കൂട്ടിമുട്ടി കുട്ടിയുള്‍പ്പടെ മൂന്നു പേര്‍ക്ക് പരിക്കേറ്റു. നിയന്ത്രണംവിട്ട ഒരു കാര്‍  മറ്റ് രണ്ടു കാറുകളില്‍ ഇടിക്കുകയായിരുന്നു. അപകടത്തെ തുടര്‍ന്ന് ദേശീയ പാതയില്‍ രണ്ടു മണിക്കൂറോളം ഗതാഗതക്കുരുക്ക് അനുഭവപ്പെട്ടു. ഇന്നലെ രാവിലെ പത്തരയോടെ ഉമയനല്ലൂര്‍ വാഴപ്പള്ളിയിലായിരുന്നു അപകടം. കൊട്ടിയം നടുവിലക്കര സ്വദേശികളായ മിഥുന്‍, ഭാര്യ പ്രീതി എന്നിവര്‍ക്കും മറ്റൊരു കാറിലുണ്ടായിരുന്ന ഒരു കുഞ്ഞിനുമാണ് പരിക്കേറ്റത്. ഇവരെ മേവറത്തെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കൊട്ടിയം ഭാഗത്തു നിന്നും വരികയായിരുന്ന മാരുതി കാര്‍ എതിര്‍ദിശയില്‍ വന്ന കാറിലിടിക്കുകയും ആ കാര്‍ മറ്റൊരു ഒമ്‌നി വാനിലേക്ക് ഇടിക്കുകയുമായിരുന്നു. നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക