|    Oct 22 Mon, 2018 1:01 pm
FLASH NEWS

കാര്‍ വാടകയ്‌ക്കെടുത്ത് പണയപ്പെടുത്തുന്ന സംഘം തീരദേശ മേഖലയില്‍ വ്യാപകം

Published : 14th March 2018 | Posted By: kasim kzm

കെ എം അക്ബര്‍
ചാവക്കാട്: കാര്‍ വാടകക്കെടുത്ത് പണയപ്പെടുത്തുന്ന സംഘം തീരദേശ മേഖലയില്‍ വ്യാപകമാവുന്നു. കഴിഞ്ഞ രണ്ടു വര്‍ഷത്തിനിടെ മേഖലയില്‍ മാത്രം തട്ടിപ്പിനിരയായത് നൂറു കണക്കിന് പേര്‍.
ഇവരില്‍ നിന്നായി സംഘം തട്ടിയെടുത്തത് 500ലധികം കാറുകള്‍. ചാവക്കാട്, ഗുരുവായുര്‍, എടക്കഴിയൂര്‍, അകലാട്, ഒരുമനയൂര്‍ മേഖലകളിലുള്ളവരാണ് തട്ടിപ്പിനിരയായിട്ടുള്ളവരിലധികവും. ചെറിയ മുന്‍കൂര്‍ തുക നല്‍കി വാടകക്കെടുത്ത ശേഷം കാറുകള്‍ മറ്റൊരാള്‍ക്ക് വന്‍ തുകക്ക് പണയപ്പെടുത്തുകയാണ് തട്ടിപ്പിന്റെ രീതി. കാര്‍ വാടകക്ക് നല്‍കുന്നതിനാവശ്യമായ ചട്ടങ്ങള്‍ പാലിക്കാതേയാണ് പലരും കാറുകള്‍ വാടകക്ക് നല്‍കുന്നത്.
ഇതിനാല്‍ തട്ടിപ്പിനായാകുന്നതോടെ പലരും പോലിസില്‍ പരാതി നല്‍കാന്‍ മടിക്കുകയാണ്. കാര്‍ വാടകക്കെടുത്ത് പണയപ്പെടുത്തുന്ന സംഘങ്ങളില്‍ പലര്‍ക്കും അന്തര്‍ സംസ്ഥാന വാഹന മേഷണ സംഘങ്ങളുമായാണ് ബന്ധം. വാടകക്കെടുക്കുന്ന കാറുകള്‍ ഈ ബന്ധം വഴി ഇതര സംസ്ഥാനങ്ങളിലെത്തിച്ച് വില്‍പ്പന നടത്തുകയും ചെയ്യുന്നുണ്ട്.
ഇത്തരത്തില്‍ വില്‍പ്പന നടത്തുന്നതിലധികവും ആംഡംബര കാറുകളാണ്. മേഖലയില്‍ ഏറെ നാളായി കാര്‍ വാടക്ക് നല്‍ക്കുകയും എടുക്കുകയും ചെയ്യുന്ന സംഘം നിരവധി പേരില്‍ നിന്നും ലക്ഷങ്ങള്‍ വിലമതിക്കുന്ന ആഡംബര കാറുകള്‍ വാടകക്കെടുത്ത ശേഷം വേറെ ചില റെന്റ് എ കാര്‍ സംഘങ്ങള്‍ക്ക് ലക്ഷങ്ങള്‍ വാങ്ങി പണയത്തിന് നല്‍കി മുങ്ങിയിട്ടുമുണ്ട്. നഷ്ടമായ ചില വാഹനങ്ങളുടെ രജിസ്‌ട്രേഷന്‍ നമ്പറടക്കം നീക്കം ചെയ്യുന്നതായും പറയുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss