|    Jul 26 Wed, 2017 4:25 am
FLASH NEWS

കാര്‍ മോഷ്ടിച്ച കേസിലെ നാല് പ്രതികള്‍ക്കു തടവുശിക്ഷ

Published : 18th February 2016 | Posted By: SMR

തലയോലപ്പറമ്പ്: പൊട്ടന്‍ചിറക്ക് സമീപമുള്ള ഓട്ടോ ഫാസ്റ്റ് വര്‍ക്ക്‌ഷോപ്പില്‍ നിന്നും മാരുതി സ്വിഫ്റ്റ് ഡിസൈര്‍ കാര്‍ മോഷ്ടിച്ച കേസിലെ നാല് പ്രതികള്‍ക്ക് വൈക്കം ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട് ആര്‍ സുധാകാന്ത് തടവുശിക്ഷ വിധിച്ചു. 2013 ജൂലൈ 20ന് പുലര്‍ച്ചെ രണ്ടിനാണ് കേസിനാസ്പദമായ മോഷണം നടന്നത്.
പ്രതികളായ തലയോലപ്പറമ്പ് പനച്ചിക്കാലായില്‍ അബ്ദുല്‍ ഷുക്കൂര്‍, അടിയം പുത്തന്‍തറയില്‍ പ്രസൂണ്‍ പ്രദീപ്, തിരുവഞ്ചൂര്‍ ചിറക്കരോട്ട് ശശികുമാര്‍, മൂത്തേടത്തുകാവ് മുല്ലശ്ശേരി കോളനിയില്‍ അനില്‍കുമാറിന്റെ മകന്‍ അഖില്‍ എന്നിവരെയാണ് രണ്ട് വര്‍ഷം കഠിനതടവിനും 7000 രൂപ പിഴയ്ക്കും ശിക്ഷ വിധിച്ചത്. വൈക്കം സിഐ ആയിരുന്ന കെ എന്‍ രാജേഷിന്റെ നേതൃത്വത്തിലുള്ള പോലീസ് സംഘം സംഭവം നടന്ന് രണ്ടാം ദിവസം തന്നെ കാര്‍ കോട്ടയം മെഡിക്കല്‍ കോളേജ് പരിസരത്തുനിന്നും കണ്ടെടുക്കുകയും പ്രതികളെ അറസ്റ്റ് ചെയ്യുകയും ചെയ്തിരുന്നു. പ്രോസിക്യൂഷനുവേണ്ടി അസി. പബ്ലിക് പ്രോസിക്യൂട്ടര്‍ ആര്‍ രാജേഷ് ഹാജരായി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക