|    Aug 17 Fri, 2018 7:04 am
Home   >  Todays Paper  >  page 7  >  

കാര്‍ഷിക വായ്പ: വീട്ടമ്മയോട് ലൈംഗികമായി വഴങ്ങണമെന്ന് ബാങ്ക് ഉദ്യോഗസ്ഥന്‍

Published : 24th June 2018 | Posted By: kasim kzm

മുംബൈ: കാര്‍ഷിക വായ്പ അനുവദിക്കാന്‍ ലൈംഗികബന്ധത്തിലേര്‍പ്പെടാന്‍ ബാങ്ക് മാനേജര്‍ ആവശ്യപ്പെട്ടതായി വീട്ടമ്മയുടെ പരാതി. മഹാരാഷ്ട്രയിലെ ബുല്‍ദാന ജില്ലയിലെ സെന്‍ട്രല്‍ ബാങ്ക് ഓഫ് ഇന്ത്യ മാനേജര്‍ രാജേഷ് ഹിവാസിനെതിരേയാണു പരാതി.
കര്‍ഷകനായ ഭര്‍ത്താവിന്റെ കൂടെ വായ്പയ്ക്കായാണ് വ്യാഴാഴ്ച രാവിലെ വീട്ടമ്മ ബാങ്കിലെത്തിയത്. വീട്ടമ്മയുടെ ഫോണ്‍ നമ്പര്‍ ബാങ്ക് നടപടികളുടെ ഭാഗമായി ഉദ്യോഗസ്ഥന്‍ വാങ്ങിയിരുന്നു. പിന്നീട് ഫോണിലേക്ക് അശ്ലീല സന്ദേശങ്ങളും ലൈംഗികബന്ധം ആവശ്യപ്പെട്ടുള്ള സന്ദേശങ്ങളും അയക്കുകയായിരുന്നു. ഇതിനു പുറമേ വെള്ളിയാഴ്ച ബാങ്കിലെ ശിപായിയെ ഇവരുടെ വീട്ടിലേക്ക് അയച്ചു.
മാനേജര്‍ക്ക് വഴങ്ങിയാല്‍ കാര്‍ഷിക വായ്പ കൂടാതെ മറ്റാനുകൂല്യങ്ങളും ലഭിക്കുമെന്ന് ഇയാള്‍ വീട്ടമ്മയോട് പറഞ്ഞത് ഇവര്‍ റിക്കാഡ് ചെയ്തിരുന്നു. റിക്കാഡ് സഹിതമാണ് പോലിസില്‍ പരാതി നല്‍കിയത്.
പരാതിയുടെ അടിസ്ഥാനത്തില്‍ മാനേജര്‍ക്കും ശിപായിക്കുമെതിരേ വിവിധ വകുപ്പുകള്‍ ചേര്‍ത്ത് കേസെടുത്തിട്ടുണ്ട്. പ്രതികള്‍ ഒളിവിലാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss