|    Oct 22 Sun, 2017 11:07 pm
FLASH NEWS

കാര്‍ഷിക ബാങ്ക് തിരഞ്ഞെടുപ്പ് : കോന്നിയില്‍ കോണ്‍ഗ്രസ്സിലെ ഗ്രൂപ്പുകള്‍ പരസ്യപോരിന്

Published : 2nd February 2016 | Posted By: SMR

കോന്നി: താലൂക്ക് പ്രാഥമിക സഹകരണ കാര്‍ഷിക ഗ്രാമവികസന ബാങ്ക് ഭരണ സമിതിയിലേക്കുള്ള തിരഞ്ഞെടുപ്പില്‍ കോണ്‍ഗ്രസ്സ് എ-ഐ ഗ്രൂപ്പുകള്‍ പരസ്പരം കലഹിക്കുന്നു. ആകെയുള്ള 13 സീറ്റില്‍ ഐ വിഭാഗത്തിന് ഏഴ്, എ വിഭാഗത്തിന് അഞ്ച്, മാണി ഗ്രൂപ്പിന് ഒന്ന് എന്നിങ്ങനെ തീരുമാനമായിരുന്നു. അതിനിടെ 13 സീറ്റുകളിലും ഐ ഗ്രൂപ്പ് സ്ഥാനാര്‍ഥിയെ നിര്‍ത്തുകയായിരുന്നു.
നേരത്തേ ഉണ്ടാക്കിയ ധാരണയുടെ അടിസ്ഥാനത്തില്‍ കോന്നി താഴം, കോന്നി, ഐരവണ്‍, തണ്ണിത്തോട്, അരുവാപ്പുലം വാര്‍ഡുകളാണ് എ ഗ്രൂപ്പിന് നല്‍കിയിരുന്നത്. ഇതിനിടെ എ ഗ്രൂപ്പിലുണ്ടായിരുന്ന എസ് വി പ്രസന്നകുമാര്‍ പ്രസിഡന്റ് സ്ഥാനം ലക്ഷ്യമിട്ട് മറുകണ്ടം ചാടിയെന്നും ആരോപണം ഉയര്‍ന്നു. തങ്ങള്‍ക്ക് നേരത്തേ നിശ്ചയിച്ചിരുന്ന അഞ്ചു സീറ്റുകളിലും എ ഗ്രൂപ്പ് സ്ഥാനാര്‍ഥികളെ നിര്‍ത്തിയിട്ടുണ്ട്. 18നാണ് തിരഞ്ഞെടുപ്പ്. ഇന്നാണ് മത്സരരംഗത്തു നിന്ന് പിന്മാറാനുള്ള അവസാന ദിവസം.
മന്ത്രി അടൂര്‍ പ്രകാശിന്റെ ഏകാധിപത്യപരമായ നീക്കമാണ് ഇതിന് പിന്നിലെന്നാണ് എ വിഭാഗം ആരോപിക്കുന്നത്. നിയമസഭാ തെരഞ്ഞെടുപ്പ് മുന്നില്‍ കണ്ട് തന്റെ അണികളെ തൃപ്തിപ്പെടുത്തുന്നതിന് വേണ്ടിയാണ് എ വിഭാഗത്തെ മന്ത്രി വെട്ടിനിരത്താന്‍ ശ്രമിച്ചതെന്നും നേതാക്കള്‍ ആരോപിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക