|    May 20 Sun, 2018 7:47 pm
FLASH NEWS
Home   >  Todays Paper  >  Page 4  >  

കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ സമ്മേളനം

Published : 7th May 2018 | Posted By: kasim kzm

കൊച്ചി: സംസ്ഥാനത്തെ ആശങ്കാജനകമായ ഹൃദ്രോഗ വ്യാപനം നിയന്ത്രിക്കാന്‍ ലക്ഷ്യമിട്ടുള്ള കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ(സിഎസ്‌ഐ) കേരള ചാപ്റ്ററിന്റെ ദ്വിദിന സമ്മേളനം കൊച്ചിയില്‍ ആരംഭിച്ചു. ജീവിതശൈലി, ഭക്ഷണക്രമം, ജോലി സാഹചര്യങ്ങള്‍, ജനിതകക്രമം തുടങ്ങി അപകട സാധ്യതകള്‍ വര്‍ധിപ്പിക്കുന്ന ഘടകങ്ങളെ വിലയിരുത്തി പ്രതിരോധ നടപടികള്‍ രൂപപ്പെടുത്തുന്നതാണ് സമ്മേളനം. സിഎസ്‌ഐ ദേശീയ പ്രസിഡന്റ് ഡോ. ശരത്ചന്ദ്ര ഉദ്ഘാടനം ചെയ്തു.
ഉയര്‍ന്ന രക്തസമ്മര്‍ദവും പ്രമേഹവും കൊളസ്‌ട്രോളും അമിതവണ്ണവും മാനസിക പിരിമുറുക്കവുമെല്ലാം ഏറ്റവും അധികം ബാധിച്ചിരിക്കുന്നത് യുവതലമുറയെയാണ്. ആരോഗ്യം വ്യക്തിയുടെ ഉത്തരവാദിത്തമാണ്. ആരോഗ്യകരമായ ജീവിതശൈലിയിലേക്ക് സ്വയം മാറാന്‍ യുവജനത തയ്യാറാവണമെന്നും ഡോ. ശരത്ചന്ദ്ര പറഞ്ഞു.
സിഎസ്‌ഐ കേരള ചാപ്റ്റര്‍ പ്രസിഡന്റ് ഡോ. രാജു ജോര്‍ജ് അധ്യക്ഷത വഹിച്ചു.  ഇന്ത്യയില്‍ പ്രതിവര്‍ഷം 20 ലക്ഷത്തോളം ഹൃദയാഘാത കേസുകളാണ് റിപോര്‍ട്ട് ചെയ്യുന്നത്. രോഗസംഖ്യ ഏറ്റവും കൂടുതലുള്ള സംസ്ഥാനമാണ് കേരളമെന്നും അദ്ദേഹം പറഞ്ഞു. രോഗിയെ പെട്ടെന്നുതന്നെ സ്‌പെഷ്യാലിറ്റി ആശുപത്രിയും ആംബുലന്‍സുമായി ബന്ധിപ്പിക്കുന്ന മൊബൈല്‍ ആപ്പിന് സിഎസ്‌ഐ രൂപംകൊടുക്കുന്നുണ്ടെന്ന് ഡോ. രാജു ജോര്‍ജ് പറഞ്ഞു. സംസ്ഥാനത്തിന്റെ വിവിധ ഭാഗങ്ങളില്‍ നിന്നായി 300ലധികം ഹൃദ്രോഗ വിദഗ്ധരും ഡോക്ടര്‍മാരും സമ്മേളനത്തില്‍ പങ്കെടുക്കുന്നുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss