|    Apr 23 Mon, 2018 1:45 am
FLASH NEWS
Home   >  Todays Paper  >  page 11  >  

കായിക ഇനങ്ങള്‍ക്ക് ഇനി ദേശീയ നിരീക്ഷകര്‍

Published : 21st March 2017 | Posted By: fsq

 

ന്യൂഡല്‍ഹി:  വിവിധ കായിക ഇനങ്ങളുടെ ദേശീയ നിരീക്ഷകരായി ഒളിംപ്യന്മാരെ കേന്ദ്ര സര്‍ക്കാര്‍ നിയോഗിച്ചു. പി ടി ഉഷ, അഞ്ജു ബോബി ജോര്‍ജ് എന്നിവര്‍ അത്‌ലറ്റിക്‌സിന്റെയും ഐ എം വിജയന്‍ ഫുട്‌ബോളിന്റെയും ദേശീയ നിരീക്ഷകരാവും. ഡോ. സഞ്ജീവ് കുമാര്‍ സിങ്ങ് (ആര്‍ച്ചറി), അപര്‍ണ പോപ്പട്ട് (ബാഡ്മിന്റണ്‍), മേരി കോം, അഖില്‍ കുമാര്‍ (ബോക്‌സിങ്ങ്), ജഗ്ബീര്‍ സിങ്ങ് (ഹോക്കി), അഭിനവ് ബിന്ദ്ര(ഷൂട്ടിങ്), സോംദേവ് ദേവ്‌വര്‍മന്‍ (ടെന്നീസ്), കര്‍ണ്ണം മല്ലേശ്വരി (ഭാരോദ്വഹനം), സുശീല്‍ കുമാര്‍ (ഗുസ്തി), ഖജന്‍ സിങ്ങ് (നീന്തല്‍), കമലേഷ് മേഹ്ത (ടേബിള്‍ ടെന്നീസ്) എന്നിവരാണ് മറ്റ് നിരീക്ഷകര്‍. കായിക മേഖലകളുമായി ബന്ധപ്പെട്ട ദീര്‍ഘകാല വികസന പദ്ധതികള്‍ തയ്യാറാക്കുന്നതിലും നടപ്പാക്കുന്നതിലും ഗവണ്‍മെന്റ്, സ്‌പോര്‍ട്‌സ് അതോറിറ്റി ഓഫ് ഇന്ത്യ, ദേശീയ സ്‌പോര്‍ട്‌സ് ഫെഡറേഷനുകള്‍, ഇന്ത്യന്‍ ഒളിംപിക് അസോസിയേഷന്‍ തുടങ്ങിയവയെ ദേശീയ നിരീക്ഷകര്‍ സഹായിക്കും. 2020, 2024, 2028 വര്‍ഷങ്ങളിലെ ഒളിംപിക്‌സ് തയ്യാറെടുപ്പുമായി ബന്ധപ്പെട്ട ദൗത്യങ്ങളുടെ നടത്തിപ്പിലും ദേശീയ നിരീക്ഷകര്‍ മുഖ്യ പങ്ക് വഹിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss