|    Feb 21 Wed, 2018 11:01 pm
FLASH NEWS
Home   >  Todays Paper  >  page 7  >  

കായല്‍ കൈയേറ്റം; തോമസ് ചാണ്ടിയുടെ ഹരജി വീണ്ടും നീട്ടിവച്ചു

Published : 10th February 2018 | Posted By: kasim kzm

ന്യൂഡല്‍ഹി: കായല്‍ കൈയേറ്റ കേസില്‍ മുന്‍മന്ത്രി തോമസ് ചാണ്ടി സുപ്രിംകോടതിയില്‍ സമര്‍പ്പിച്ച ഹരജി പരിഗണിക്കുന്നത് വീണ്ടും നീട്ടിവച്ചു. തോമസ് ചാണ്ടിയുടെ അഭിഭാഷകന്റെ ആവശ്യപ്രകാരമാണ് കേസ് നീട്ടിവച്ചത്. പനിയായതിനാല്‍ ഹാജരാവാന്‍ കഴിയില്ലെന്നും കേസ് പരിഗണിക്കുന്നത് രണ്ടാഴ്ചത്തേക്കു നീട്ടിവയ്ക്കണമെന്നുമാവശ്യപ്പെട്ട് അഭിഭാഷകന്‍ കഴിഞ്ഞദിവസം സുപ്രിംകോടതി രജിസ്ട്രാര്‍ക്ക് കത്തുനല്‍കിയിരുന്നു. ഇതു പ്രകാരമാണ് കോടതിയുടെ നടപടി.  എന്നാല്‍, കേസ് ഇനി പരിഗണിക്കുന്ന തിയ്യതി ഇന്നലെ നിശ്ചയിച്ചില്ല. അതേസമയം, ഇന്നലെ കേസ് പരിഗണിക്കേണ്ട  ജസ്റ്റിസ് എസ് എ ബോബ്‌ഡെയുടെ അധ്യക്ഷതയിലുള്ള രണ്ടംഗബെഞ്ച് ഹരജി എടുക്കുകപോലും ചെയ്യാതെ ശേഷമുള്ള കേസിലേക്കു നീങ്ങുകയായിരുന്നു. ജഡ്ജിമാരുടെ പിന്‍മാറ്റം കാരണം തോമസ് ചാണ്ടിയുടെ കേസ് പരിഗണയ്‌ക്കെത്തുന്ന നാലാമത്തെ ബെഞ്ചാണ് ബോബ്‌ഡെയുടേത്. കൈയേറ്റ കേസില്‍ ഹൈക്കോടതി വിധി റദ്ദാക്കണമെന്നും തന്റെ പേര് പരാമര്‍ശിച്ചു കൊണ്ടുള്ള കലക്ടറുടെ റിപോര്‍ട്ടും അതിന്റെ ഭാഗമായ തുടര്‍നടപടികളും സ്‌റ്റേ ചെയ്യണമെന്നും ആവശ്യപ്പെട്ട് തോമസ് ചാണ്ടി സമര്‍പ്പിച്ച ഹരജിയാണ് സുപ്രിംകോടതി പരിഗണിക്കുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss