|    Nov 15 Thu, 2018 5:52 pm
FLASH NEWS
Home   >  News now   >  

കാബൂളില്‍ സ്‌ഫോടനം; 32 മരണം

Published : 22nd March 2018 | Posted By: kasim kzm

കാബൂള്‍: അഫ്ഗാന്‍ തലസ്ഥാനമായ കാബൂളില്‍ ശിയാ മഖ്ബറ (ശവകുടീരം)യിലുണ്ടായ സ്‌ഫോടനത്തില്‍ 32 പേര്‍ കൊല്ലപ്പെട്ടു. നിരവധി പേര്‍ക്ക് പരിക്കേറ്റു. പേര്‍ഷ്യന്‍ പുതുവര്‍ഷമായ നൗറോസ് ആഘോഷത്തില്‍ പങ്കെടുത്തവരാണ് കൊല്ലപ്പെട്ടവരില്‍ അധികവുമെന്നു വാര്‍ത്താ ഏജന്‍സി റിപോര്‍ട്ട് ചെയ്തു. ശരീരത്തില്‍ ബോംബുമായി വന്നയാള്‍ സ്വയം പൊട്ടിത്തെറിക്കുകയായിരുന്നു.
പരിക്കേറ്റവരില്‍ പലരുടെയും നില ഗുരുതരമാണെന്നും മരണസംഖ്യ ഉയരാന്‍ സാധ്യതയുണ്ടെന്നും അധികൃതര്‍ അറിയിച്ചു. ആക്രമണത്തിന്റെ ഉത്തരവാദിത്തം ഐഎസ് ഏറ്റെടുത്തു. ശിയാ പള്ളിയിലേക്കു നടന്നെത്തിയ അക്രമി പോലിസ് തിരിച്ചറിഞ്ഞതോടെ സ്വയം പൊട്ടിത്തെറിക്കുകയായിരുന്നുവെന്ന് പോലിസ് അറിയിച്ചു. കാബൂള്‍ യൂനിവേഴ്‌സിറ്റിക്കടുത്താണ് സ്‌ഫോടനമുണ്ടായത്്. ആഴ്ചകള്‍ക്കിടെ അഫ്ഗാന്‍ തലസ്ഥാനമായ കാബൂളില്‍ നടക്കുന്ന അഞ്ചാമത്തെ ചാവേര്‍ സ്‌ഫോടനമാണിത്. മഖ്ബറയ്ക്കു നേരെ 2016ല്‍ നടന്ന ആക്രമണത്തില്‍ 14 പേരും 2011ല്‍ നടന്ന ആക്രമണത്തില്‍ 59 പേരും കൊല്ലപ്പെട്ടിരുന്നു. സാധാരണക്കാരാണ് മരിച്ചവരെല്ലാമെന്ന് ആഭ്യന്തരമന്ത്രാലയ വക്താവ് നസ്രത്ത് റാഹിമി പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss