|    Aug 24 Thu, 2017 12:03 pm
Home   >  Todays Paper  >  page 7  >  

‘കാപു ‘ നേതാവ് പത്മനാഭം നിരാഹാരം പിന്‍വലിച്ചു

Published : 9th February 2016 | Posted By: SMR

ഹൈദരാബാദ്: കാപു സമുദായത്തെ പിന്നാക്ക വിഭാഗത്തില്‍ ഉള്‍പ്പെടുത്തണമെന്നും കാപുക്ഷേമ കോര്‍പറേഷന് വര്‍ഷത്തില്‍ 1,000 കോടി രൂപ അനുവദിക്കണമെന്നുമാവശ്യപ്പെട്ട് കാപു സമുദായനേതാവ് മുദ്രഗത പത്മനാഭം വെള്ളിയാഴ്ച മുതല്‍ നടത്തിവരുന്ന നിരാഹാര സമരം അവസാനിപ്പിച്ചു. ആന്ധ്രപ്രദേശ് സര്‍ക്കാര്‍ നല്‍കിയ ഉറപ്പിനെ തുടര്‍ന്നാണ് നിരാഹാരം പിന്‍വലിച്ചതെന്നും അടുത്ത വര്‍ഷം മുതല്‍ കാപു ക്ഷേമ കോര്‍പറേഷന് 1,000 കോടി രൂപ അനുവദിക്കുമെന്ന് സര്‍ക്കാര്‍ ഉറപ്പുനല്‍കിയതായും പത്മനാഭം പറഞ്ഞു.
തൊഴില്‍ മന്ത്രി കെ അത്ചാന്‍ നായിഡു, ടിഡിപി സംസ്ഥാന പ്രസിഡന്റ് കെ കല വെങ്കട് റാവു, പാര്‍ട്ടി എംഎല്‍എമാരായ തോട്ട ത്രിമൂര്‍ത്തുലു, എ വി എസ് വര്‍മ എന്നിവര്‍ പത്മനാഭവുമായി നടത്തിയ ചര്‍ച്ചയിലാണ് സമരം ഒത്തുതീര്‍ന്നത്. ഭാര്യയും കുടുംബാംഗങ്ങളും ഏതാനും അനുയായികളുമൊത്താണ് പത്മനാഭം നിരാഹാരമിരുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക