|    Jul 25 Tue, 2017 6:15 am
FLASH NEWS
Home   >  Todays Paper  >  page 9  >  

കാനഡ 10000 അഭയാര്‍ഥികളെക്കൂടി ഏറ്റെടുക്കുന്നു

Published : 2nd April 2016 | Posted By: SMR

ഒട്ടാവ: 10000 അഭയാര്‍ഥികളെ കൂടി ഏറ്റെടുക്കാന്‍ രാജ്യം തയ്യാറാണെന്ന് കനേഡിയന്‍ കുടിയേറ്റ മന്ത്രി ഡോണ്‍ മക്കുല്ലം അറിയിച്ചു. കഴിഞ്ഞ ഏതാനും മാസങ്ങളിലായി 25000ത്തോളം അഭയാര്‍ഥികളെ കാനഡ ഏറ്റെടുത്തിരുന്നു. സിറിയന്‍ അഭയാര്‍ഥികളെ സ്‌പോണ്‍സര്‍ ചെയ്യാന്‍ തയ്യാറായി രാജ്യത്തെ നിരവധി സംഘടനകളാണ് രംഗത്തെത്തിയിരിക്കുന്നത്. അഭയാര്‍ഥികളില്‍ നിന്നും ഏറ്റെടുക്കാനുള്ള അപേക്ഷകള്‍ ലഭിച്ചില്ലെന്ന ഇവരുടെ പരാതിയോടു സിബിസി ന്യൂസിലൂടെ പ്രതികരിക്കുകയായിരുന്നു അദ്ദേഹം. ജര്‍മന്‍ ആഭ്യന്തരമന്ത്രിയുമായുള്ള കൂടിക്കാഴ്ചക്കിടെയാണ് അദ്ദേഹം ഇക്കാര്യം അറിയിച്ചത്. കഴിഞ്ഞ വര്‍ഷം ഒക്ടോബറില്‍ അധികാരത്തിലെത്തിയ ജസ്റ്റിന്‍ ട്രൂഡോയുടെ ലിബറല്‍ സര്‍ക്കാര്‍ അഭയാര്‍ഥികളോട് മൃദുസമീപനമാണ് സ്വീകരിച്ചുവരുന്നത്. രാജ്യത്തെ സ്വകാര്യ സംഘടനകള്‍, ചര്‍ച്ചുകള്‍, കുടുംബങ്ങള്‍, സാമൂഹിക സംഘടനകള്‍ എന്നിവയാണ് സ്‌പോണ്‍സര്‍മാരാവാന്‍ തയ്യാറായി രംഗത്തെത്തിയിരിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക