|    May 27 Sat, 2017 11:53 am
FLASH NEWS

കാനഡയിലെ സിഖ് പ്രതിരോധ മന്ത്രിക്കെതിരേ വംശീയ അധിക്ഷേപം

Published : 14th November 2015 | Posted By: SMR

ടൊറന്റോ: കാനഡയിലെ ഇന്ത്യന്‍ വംശജനായ പ്രതിരോധമന്ത്രി ഹര്‍ജിത് സജ്ജനെതിരേ വംശീയാധിക്ഷേപം.
കാനഡയിലെ ഉന്നത പട്ടാള ഓഫിസറാണ് മന്ത്രിയെ വംശീയമായി അധിക്ഷേപിച്ച് ഫേസ്ബുക്കില്‍ പോസ്റ്റിട്ടത്. വിവാദമായതിനെ തുടര്‍ന്ന് ഫ്രഞ്ചില്‍ എഴുതിയ സൈനികന്റെ പോസ്റ്റ് നീക്കം ചെയ്തു. സൈനികന്റെ പേരോ പോസ്റ്റിന്റെ ഉള്ളടക്കമോ സൈനിക വൃത്തങ്ങള്‍ പുറത്തുവിട്ടിട്ടില്ല. സംഭവത്തില്‍ കനേഡിയന്‍ സൈന്യം അന്വേഷണത്തിന് ഉത്തരവിട്ടു.
സംഭവത്തെ ശക്തമായി അപലപിച്ച ചീഫ് വാറന്റ് ഓഫിസര്‍ കെവിന്‍ വെസ്റ്റ്, ഇത്തരം പരാമര്‍ശങ്ങള്‍ ആവര്‍ത്തിക്കുകയാണെങ്കില്‍ കര്‍ശന നടപടി സ്വീകരിക്കുമെന്ന് മുന്നറിയിപ്പും നല്‍കി.
മന്ത്രിക്കെതിരേ സൈനികന്‍ അനുചിതമായി രേഖപ്പെടുത്തിയ പരാമര്‍ശങ്ങള്‍ ശ്രദ്ധയില്‍ പെട്ടതായി സൈനികവക്താവ് ദാന്‍ ലെ ബോത്‌ലിയറും അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day