|    Nov 18 Sun, 2018 2:22 pm
FLASH NEWS
Home   >  Todays Paper  >  Page 1  >  

കാനം രാജേന്ദ്രന്‍ വീണ്ടും സിപിഐ സംസ്ഥാന സെക്രട്ടറി

Published : 5th March 2018 | Posted By: kasim kzm

മലപ്പുറം: കാനം രാജേന്ദ്രന്‍ വീണ്ടും സിപിഐ സംസ്ഥാന സെക്രട്ടറിയായി തിരഞ്ഞെടുക്കപ്പെട്ടു. ഐകകണ്‌ഠ്യേനയായിരുന്നു തിരഞ്ഞെടുപ്പ്. കെ ഇ ഇസ്മായില്‍പക്ഷം മുന്‍മന്ത്രി സി ദിവാകരനെ മല്‍സരത്തിന് ഇറക്കാന്‍ ശ്രമിച്ചെങ്കിലും അദ്ദേഹം പിന്‍മാറുകയായിരുന്നു. 2015ലെ കോട്ടയം സമ്മേളനത്തിലും കാനം എതിരില്ലാതെയാണു തിരഞ്ഞെടുക്കപ്പെട്ടത്.
20ാം വയസ്സില്‍ പാര്‍ട്ടിയുടെ വിദ്യാര്‍ഥി സംഘടനയായ എഐഎസ്എഫ് സംസ്ഥാന സെക്രട്ടറിയായ കാനം എഐവൈഎഫ് ദേശീയ വൈസ് പ്രസിഡന്റ്, സിപിഐ കോട്ടയം ജില്ലാ സെക്രട്ടറി, എഐടിയുസി സംസ്ഥാന സെക്രട്ടറി, ജനറല്‍ സെക്രട്ടറി, ദേശീയ വൈസ് പ്രസിഡന്റ് സ്ഥാനങ്ങളും വഹിച്ചിട്ടുണ്ട്. ഇപ്പോള്‍ സിപിഐ ദേശീയ സെക്രട്ടേറിയറ്റ് അംഗമാണ്.
പൊതുസമൂഹത്തിലെ സ്വീകാര്യതയും മുന്നണിയിലെ വിട്ടുവീഴ്ചയില്ലാത്ത ഇടതുപക്ഷ സമീപനവും ഏറ്റവും നല്ല സെക്രട്ടറി എന്ന പ്രതിച്ഛായയുമാണ് കാനത്തിന് വീണ്ടും നറുക്കു വീഴാന്‍ ഇടയാക്കിയത്. സംസ്ഥാന കൗണ്‍സിലിലേക്ക് തിരഞ്ഞെടുക്കപ്പെട്ട 96 പേരില്‍ 25 പേര്‍ പുതുമുഖങ്ങളാണ്. ഇടുക്കിയില്‍ നിന്ന് കാനത്തിന്റെ ശക്തനായ അനുകൂലി വാഴൂര്‍ സോമനെ തോല്‍പിച്ച ഇ എസ് ബിജിമോള്‍ എംഎല്‍എ സംസ്ഥാന കമ്മിറ്റിയില്‍ ഇടം നേടി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss