|    Sep 21 Fri, 2018 4:54 pm
FLASH NEWS
Home   >  Todays Paper  >  Page 4  >  

കാണാതായ കുട്ടികളെ ഒരാഴ്ചയ്ക്കുള്ളില്‍ തിരികെ എത്തിക്കണം

Published : 25th May 2018 | Posted By: kasim kzm

തിരുവനന്തപുരം: എറണാകുളം ആലുവ ജനസേവ ശിശുഭവനില്‍ നിന്നു കാണാതായ 50 കുട്ടികളെ ഏഴു ദിവസത്തിനകം ഹാജരാക്കിയില്ലെങ്കില്‍ ശക്തമായ നിയമ നടപടികള്‍ സ്വീകരിക്കുമെന്ന് ശിശുക്ഷേമ സമിതി. ഇക്കാര്യം ചൂണ്ടിക്കാട്ടി ജനസേവ ശിശുഭവന്‍ ജനറല്‍ സെക്രട്ടറി ജോസ് മാവേലിക്ക് സമിതി കത്തയച്ചു. കുട്ടികളുടെ സ്‌കൂള്‍ സര്‍ട്ടിഫിക്കറ്റ് അല്ലെങ്കില്‍ ആധാര്‍ കാര്‍ഡ് സഹിതമാണ് ഹാജരാക്കേണ്ടതെന്നും കത്തില്‍ പറയുന്നു.
കാണാതായ കുട്ടികളെ ഈ അക്കാദമിക് വര്‍ഷം ആരംഭിക്കുന്നതിനു മുമ്പായി അവരുടെ പഠനത്തെ ബാധിക്കാത്ത വിധം സ്‌കൂള്‍ പ്രവേശനം ഉറപ്പാക്കി വേണം എത്തിക്കേണ്ടതെന്ന് എറണാകുളം അഡീഷനല്‍ സെഷന്‍സ് കോടതി ഉത്തരവിട്ടിരുന്നു. ഇതിന്റെ അടിസ്ഥാനത്തിലായിരുന്നു നടപടി. ജില്ലാ ശിശുക്ഷേമ സമിതിയുടെ നേതൃത്വത്തില്‍ കഴിഞ്ഞ വര്‍ഷം ഏപ്രില്‍ 19നു നടത്തിയ പരിശോധനയില്‍ ജനസേവ ശിശുഭവനില്‍ ജെജെ ആക്ടിനു വിരുദ്ധമായി മറ്റു സംസ്ഥാനങ്ങളില്‍ നിന്നുള്ള 104 കുട്ടികളെ കെണ്ടത്തിയിരുന്നു. എന്നാല്‍, പിന്നീട് നടന്ന പരിശോധനയില്‍ 50 കുട്ടികളെ കണ്ടെത്താനായില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss