|    Apr 22 Sun, 2018 8:35 am
FLASH NEWS

കാട്ടുപന്നികള്‍ കൃഷി നശിപ്പിക്കുന്നു

Published : 25th March 2018 | Posted By: kasim kzm

ചെറുതോണി: നിര്‍മലാസിറ്റിയിലും പരിസര പ്രദേശങ്ങളിലും കാട്ടുപന്നി ശല്യം രൂക്ഷമായി. മരച്ചീനി, ചേമ്പ് ഉള്‍പ്പെടെയുള്ള കൃഷികളാണ് കാട്ടുപന്നി നശിപ്പിക്കുന്നത്. നിര്‍മലാസിറ്റി ശങ്കരന്‍കാട്ടില്‍ അജി ഒന്നരയേക്കര്‍ സ്ഥലം പാട്ടത്തിനെടുത്ത് ചെയ്തിരുന്ന മരച്ചീനി കൃഷി കഴിഞ്ഞ ദിവസം നശിപ്പിച്ചു. രണ്ടുമാസം കഴിഞ്ഞാല്‍ വിളവെടുപ്പ് നടത്താന്‍ കഴിയുമായിരുന്ന കൃഷിയാണ് നശിച്ചത്. ഇതേസ്ഥലത്ത് കൃഷിചെയ്ത് കഴിഞ്ഞ വര്‍ഷം രണ്ടുലക്ഷത്തോളം രൂപയുടെ വരുമാനം കണ്ടെത്താന്‍ അജിക്കു കഴിഞ്ഞിരുന്നു. ഇത്തവണ കൃഷി നശിച്ചതോടെ കൃഷിഭവന്‍ അധികൃതരെ സമീപിച്ചെങ്കിലും നഷ്ടപരിഹാരം ലഭ്യമാക്കാനാവില്ലെന്ന നിലപാടാണത്രേ അവര്‍ സ്വീകരിച്ചത്. മേഖലയിലെ അനവധി പേരുടെ കൃഷിയിടങ്ങളിലാണ് കാട്ടുപന്നികള്‍ നാശം വിതയ്ക്കുന്നത്. വായ്പയെടുത്തും മറ്റും ലഭ്യമാകുന്ന തുക ഉപയോഗിച്ച് കൃഷി ഇറക്കുന്ന കര്‍ഷകര്‍ക്ക് ഇത് ഏറെ ദുരിതമാവുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss