|    Sep 19 Tue, 2017 10:30 pm
FLASH NEWS
Home   >  Todays Paper  >  page 9  >  

കാട്ടുതീ: കാനഡയിലെ ഫോര്‍ട്ട് മക്മറേയില്‍ അടിയന്തരാവസ്ഥ

Published : 6th May 2016 | Posted By: SMR

ഒട്ടാവ: കാട്ടുതീ പടര്‍ന്നുപിടിച്ചതിനെത്തുടര്‍ന്ന് കനേഡിയന്‍ നഗരം ഫോര്‍ട്ട് മക്മറേയില്‍ അടിയന്തരാവസ്ഥ പ്രഖ്യാപിച്ചു. അഗ്നിബാധയെത്തുടര്‍ന്ന് കഴിഞ്ഞ ദിവസം നഗരത്തില്‍നിന്ന് 80,000ത്തോളം പേരെ ഒഴിപ്പിച്ചിരുന്നു. നഗരത്തില്‍ വ്യാപകമായി നാശനഷ്ടങ്ങള്‍ വരുത്താന്‍ തീപ്പിടിത്തം കാരണമാവുമെന്ന് അധികൃതര്‍ മുന്നറിയിപ്പു നല്‍കി.
ഞായറാഴ്ച മുതല്‍ തുടരുന്ന തീപ്പിടിത്തത്തില്‍ 1600ലധികം വീടുകളും കെട്ടിടങ്ങളുമാണ് നശിച്ചത്. ജനവാസമേഖലയില്‍ കാട്ടുതീ തുടരുകയാണെന്നും 250ലധികം അഗ്നിശമനസേനാംഗങ്ങള്‍ തീയണയ്ക്കുന്നതിനായി ശ്രമിച്ചുകൊണ്ടിരിക്കുകയാണെന്നും ആല്‍ബെര്‍ട്ട സംസ്ഥാനത്തിലെ നഗരകാര്യ മന്ത്രി ഡാനിയേല്‍ ലാറിവീ അറിയിച്ചു.
തീപ്പിടിത്തത്തില്‍ കഴിഞ്ഞദിവസം ഒരു സ്‌കൂള്‍ പൂര്‍ണമായി കത്തി നശിച്ചു. തീപ്പിടിത്തത്തില്‍ ആരും കൊല്ലപ്പെട്ടിട്ടില്ലെന്നും എന്നാല്‍, ഒഴിപ്പിക്കല്‍ ശ്രമത്തിനിടെ കാര്‍ അപകടത്തില്‍പ്പെട്ട് ഒരാള്‍ മരിച്ചതായും നഗരസഭാ അധികൃതര്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക