|    Nov 21 Wed, 2018 11:22 pm
FLASH NEWS

കാട്ടാനശല്യം രൂക്ഷം; വ്യാപക കൃഷിനാശം

Published : 15th October 2018 | Posted By: kasim kzm

കാളികാവ്: കാട്ടാനശല്യം രൂക്ഷമായി. ഇതുമൂലം വ്യാപക കൃഷിനാശമാണ് കര്‍ഷകര്‍ക്ക് ഉണ്ടാവുന്നത്. ചോക്കാട് പഞ്ചായത്തിലെ കല്ലാമൂല വള്ളിപ്പൂളയില്‍ നെല്ലിക്കരയില്‍ മാരൂര്‍ ബിജു തോമസിന്റെ കൃഷിയിടത്തില്‍ കാട്ടാനക്കൂട്ടമിറങ്ങി വ്യാപകമായി കൃഷി നശിപ്പിച്ചു. കെഎസ്ആര്‍ടിസി കണ്ടക്ടറായ ബിജു ജോലിക്കിടെ ലഭിക്കുന്ന സമയത്താണ് കൃഷിയെ പരിപാലിക്കുക.
എന്നാല്‍, ഒരോ ദിവസം പിന്നിടുമ്പോഴും നെല്ലിക്കര വനമേഖലയിലൂടെ എത്തുന്ന കാട്ടാനക്കൂട്ടം വ്യാപകമായി കൃഷി നശിപ്പിച്ചാണ് മടങ്ങുന്നത്. കഴിഞ്ഞ ദിവസം ഫെന്‍സിങും തകര്‍ത്ത് എത്തിയ ആനകള്‍ കായ്ഫലമുള്ള അമ്പതോളം കവുങ്ങ്, പത്തോളം തെങ്ങ്, പന്ത്രണ്ട് ജാതിമരങ്ങള്‍, ടാപ്പിങ് നടക്കുന്ന നാല്‍പ്പത് റബര്‍, രണ്ട് വര്‍ഷം പ്രായമുള്ള ഇരുപത് റബര്‍ മരങ്ങള്‍ എന്നിവയാണ് നശിപ്പിച്ചത്.
നെല്ലിക്കരയില്‍ മലവെള്ള പാച്ചിലിനെയും വന്യമൃഗ ശല്യത്തെയും അവഗണിച്ച് നിരവധി കര്‍ഷകരാണ് കാര്‍ഷികവൃത്തിയില്‍ ഏര്‍പ്പെട്ടിട്ടുള്ളത്. എന്നാല്‍, വന്യമൃഗ ശല്യം കാരണം കര്‍ഷകര്‍ കൃഷിയെ കൈവിടേണ്ട അവസ്ഥയാണുള്ളതെന്നും കാട്ടാനകള്‍ കൃഷിസ്ഥലത്തെത്തുന്നത് തടയാന്‍ വനംവകുപ്പ് അധികൃതര്‍ ആവശ്യമായ നടപടികള്‍ ഒരുക്കണമെന്നാണ് പ്രദേശത്തെ കര്‍ഷകരുടെ ആവശ്യം.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss