|    May 22 Mon, 2017 11:07 pm
FLASH NEWS

കാട്ടാനയെ വെടിവച്ചു കൊന്ന സംഭവം: സംയുക്ത അന്വേഷണ സംഘത്തെ നിയോഗിച്ചു

Published : 3rd June 2016 | Posted By: SMR

കല്‍പ്പറ്റ: കാട്ടാനയെ വെടിവച്ചു കൊന്നവരെ പിടികൂടാന്‍ വനംവകുപ്പിലെയും പോലിസിലെയും സേനാവിഭാഗങ്ങളെ ഉള്‍പ്പെടുത്തി പ്രത്യേക അന്വേഷണ വിഭാഗത്തെ ജില്ലാ കലക്ടര്‍ കേശവേന്ദ്രകുമാര്‍ നിയമിച്ചു.
പോലിസ്, വനംവകുപ്പ് അധികൃതര്‍ സംയുക്തമായാണ് കേസന്വേഷിക്കുക. വൈല്‍ഡ് ലൈഫ് വാര്‍ഡന്‍ പി ധനേഷ്‌കുമാര്‍, സ്‌പെഷ്യല്‍ ബ്രാഞ്ച് ഡിവൈഎസ്പി കുഞ്ഞന്‍ എന്നിവര്‍ക്കാണ് കേസിന്റെ അന്വേഷണച്ചുമതല. സംയുക്ത അന്വേഷണ വിഭാഗം ശേഖരിക്കുന്ന തെളിവുകള്‍ പരസ്പരം കൈമാറും. ഏഴു ദിവസത്തിനകം സംഭവം സംബന്ധിച്ച പ്രാഥമിക വിവരങ്ങള്‍ ജില്ലാ കലക്ടര്‍ക്ക് കൈമാറണം. കുറിച്യാട് റേഞ്ചില്‍ 15 വയസ്സോളം പ്രായമുള്ള പിടിയാനയെ വെടിയേറ്റ കൊല്ലപ്പെട്ട നിലയില്‍ കഴിഞ്ഞ തിങ്കളാഴ്ചയാണ് കണ്ടെത്തിയത്. കൃഷിയിടത്തിലിറങ്ങുകയോ ആള്‍നാശമുണ്ടാക്കുകയോ ചെയ്യാത്ത പിടിയാനയെ വെടിവച്ചു കൊന്ന സംഭവത്തെ അതീവ ഗൗരവത്തോടെയാണ് ജില്ലാ ഭരണകൂടം കാണുന്നത്.
ഭാവിയില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ജാഗ്രത പുലര്‍ത്തുമെന്നും ജില്ലാ കലക്ടര്‍ അറിയിച്ചു. 1972ലെ വനം-വന്യജീവി സംരക്ഷണ നിയമം, ആയുധനിയമം, ഇന്ത്യന്‍ ശിക്ഷാനിയമം എന്നിവയനുസരിച്ച് പ്രതികള്‍ക്ക് കനത്ത ശിക്ഷ ഉറപ്പാക്കും. വന്യജീവികളെ ഉപദ്രവിക്കുന്നതു ശ്രദ്ധയില്‍പ്പെട്ടാലും നടപടികളുണ്ടാവും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day