|    Oct 16 Tue, 2018 8:02 am
FLASH NEWS

കാട്ടാനയുടെ ആക്രമണത്തില്‍ പരിക്കേറ്റ ആദിവാസി സ്ത്രീയും മകനും ദുരിതത്തില്‍

Published : 3rd November 2017 | Posted By: fsq

 

സുല്‍ത്താന്‍ ബത്തേരി: കാട്ടാനയുടെ ആക്രമണത്തില്‍ പരിക്കേറ്റ ആദിവാസി സ്ത്രീയും മകനും ദുരിതംപേറുന്നു. ചെതലയം പുല്ലുമല നായ്ക്ക കോളനിയിലെ ലീലയും മകന്‍ രതീഷുമാണ് ദുരിതത്തിലായിരിക്കുന്നത്. കുടുംബത്തിന് നഷ്ടപരിഹാരവും രതീഷിന് ജോലിയും നല്‍കുമെന്നു വനംവകുപ്പ് വാഗ്ദാനം നല്‍കിയിരുന്നുവെങ്കിലും പാലിക്കപ്പെട്ടില്ല. കഴിഞ്ഞ ജൂണ്‍ 18നു പുലര്‍ച്ചെയാണ് കാട്ടാനയുടെ ആക്രമണത്തില്‍ ലീലയ്ക്കും രതീഷിനും ഗുരുതര പരിക്കേറ്റത്. വീട്ടില്‍ കിടന്നുറങ്ങുകയായിരുന്ന ഇവരെ കാട്ടാന ആക്രമിക്കുകയായിരുന്നു. രതീഷിന്റെ നെഞ്ചില്‍ കുത്തിയ കാട്ടാന ലീലയെ കട്ടിലില്‍ നിന്നു ചവിട്ടി താഴെയിട്ടു. ഗുരുതരമായി പരിക്കേറ്റ രതീഷ് കോഴിക്കോട് മെഡിക്കല്‍ കോളജില്‍ ചികില്‍സയിലായിരുന്നു. സംഭവത്തില്‍ പ്രദേശത്ത് പ്രതിഷേധമുയരുകയും തുടര്‍ന്നു നടത്തിയ ചര്‍ച്ചയില്‍ ധനസഹായവും ജോലിയും വനംവകുപ്പ് അധികൃതര്‍ ഉറപ്പുനല്‍കി. എന്നാല്‍, അഞ്ചുമാസം പിന്നിട്ടിട്ടും വാക്ക് പാലിക്കപ്പെട്ടിട്ടില്ല. ഇരുവര്‍ക്കും കൂലിപ്പണിക്ക് പോവാനും കഴിയുന്നില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss