|    Jan 21 Sat, 2017 1:27 am
FLASH NEWS

കാട്ടാനയുടെ ആക്രമണത്തില്‍ ആദിവാസി യുവാവിനു പരിക്ക്

Published : 20th March 2016 | Posted By: SMR

മാനന്തവാടി: കാട്ടാനയുടെ ആക്രമണത്തില്‍ ആദിവാസി യുവാവിന് പരിക്കേറ്റു. തിരുനെല്ലി പഞ്ചായത്തിലെ അപ്പപാറ, കമ്പിളിക്കാപ്പ കോളനിയിലെ നാരായണ(40)നാണ് പരിക്കേറ്റത്. നാരായണനും കുടുംബവും താമസിച്ചിരുന്ന ഷെഡും കാട്ടാന തകര്‍ത്തു.
കഴിഞ്ഞ ദിവസം രാത്രി 12നായിരുന്നു സംഭവം. ഷെഡ് തകര്‍ക്കുന്ന ശബ്ദം കേട്ട് പുറത്തിറങ്ങിയ നാരായണനെ കാട്ടാന ആക്രമിക്കുകയായിരുന്നു. മൂത്ത മകള്‍ പൊന്നയ്ക്കു നേരെയും ആന പാഞ്ഞെടുത്തുവെങ്കിലും പൊന്ന വീട്ടിലേക്ക് ഓടി രക്ഷപ്പെട്ടു.
ഭാര്യ മുത്തിയും മൂന്ന് വയസ്സുള്ള മകളും ഈ സമയം വീടിനകത്തായിരുന്നു. അയല്‍വാസി വിവരമറിയിച്ചതിനെ തുടര്‍ന്ന് വനംവകുപ്പ് ജീവനക്കാരെത്തി നാരായണനെ ജില്ലാ ആശുപത്രിയിലെത്തിച്ചു.
കാലിന് സാരമായി പരിക്കേറ്റ നാരായണന്‍ ചികിത്സയിലാണ്. ഷെഡിന്റെ അവശിഷ്ടങ്ങള്‍ പതിച്ച് മുത്തിക്കും പരിക്കേറ്റിട്ടുണ്ട്.
ഇതിനുമുമ്പും പ്രദേശത്ത് കാട്ടാനയുടെ ശല്ല്യമുണ്ടായിട്ടുണ്ട്.

Share on FacebookShare on Google+Tweet about this on TwitterShare on LinkedIn
(Visited 49 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക