|    Feb 24 Sat, 2018 12:09 am
FLASH NEWS

കാഞ്ഞിരപ്പള്ളിയില്‍ രണ്ട് കടകള്‍ കുത്തിത്തുറന്ന് 1.2 ലക്ഷം കവര്‍ന്നു

Published : 12th December 2017 | Posted By: kasim kzm

കാഞ്ഞിരപ്പള്ളി: ടൗണ്‍പള്ളിക്ക് എതിര്‍വശത്തുള്ള അടുത്തടുത്ത രണ്ടു കടകളില്‍ വന്‍ മോഷണം. പുതുപ്പറമ്പില്‍ സ്റ്റോഴ്‌സ് പലചരക്ക് കടയുടെ ഷട്ടറിന്റെ പൂട്ടുതകര്‍ത്ത് അകത്തുകയറിയ മോഷ്ടാവ് 35,000 രൂപയും തൊട്ടടുത്തുള്ള അല്‍ഫാ ഇലക്ട്രിക്കല്‍ കടയുടെ ഭിത്തിയായി ഉപയോഗിച്ചിരുന്ന ഷെല്‍ഫ് വെട്ടിപ്പൊളിച്ച് മുകളിലൂടെ അകത്തുകയറിയ മോഷ്ടാവ് മേശയില്‍ സൂക്ഷിച്ചു വച്ച 85,000 രൂപയും കടയ്ക്കുള്ളിലുണ്ടായിരുന്ന സിസി ടിവി കാമറയുടെ ഹാര്‍ഡ് ഡിസ്‌ക്കും ഉപകരണങ്ങളുമാണ് അപഹരിച്ചത്.രാവിലെ ഉടമകള്‍ കട തുറക്കാനെത്തിയപ്പോള്‍ പലചരക്ക് കടയുടെ ഷട്ടറിന്റെ പൂട്ടുപൊളിഞ്ഞുകിടക്കുന്ന നിലയില്‍ കണ്ടതിനെ തുടര്‍ന്ന് നടത്തിയ പരിശോധനയിലാണു മോഷണ വിവരം അറിയുന്നത്. തുടര്‍ന്ന് കാഞ്ഞിരപ്പള്ളി പോലിസില്‍ വിവരം അറിയിച്ചു. പോലിസ് സംഭവ സ്ഥലം സന്ദര്‍ശിച്ച് അന്വേഷണം ആരംഭിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss