|    Aug 21 Tue, 2018 4:09 pm
FLASH NEWS
Home   >  Todays Paper  >  Page 4  >  

കസ്റ്റഡി മരണം: എ വി ജോര്‍ജിനെ വീണ്ടും ചോദ്യം ചെയ്തു

Published : 16th May 2018 | Posted By: kasim kzm

കൊച്ചി: വരാപ്പുഴയില്‍ ശ്രീജിത്ത് പോലിസ് കസ്റ്റഡിയില്‍ മര്‍ദനമേറ്റ് മരിച്ച സംഭവത്തില്‍ ആലുവ മുന്‍ റൂറല്‍ എസ്പി എ വി ജോര്‍ജിനെ പ്രത്യേക അന്വേഷണസംഘം വീണ്ടും ചോദ്യംചെയ്തു. ശ്രീജിത്ത് കസ്റ്റഡി മരണ കേസില്‍ മുന്‍ എസ്പിക്ക് വീഴ്ചപറ്റിയതായി അന്വേഷണസംഘം റിപോര്‍ട്ട് നല്‍കിയതിന്റെ അടിസ്ഥാനത്തില്‍ എ വി ജോര്‍ജിനെ സസ്‌പെന്‍ഡ് ചെയ്തിരുന്നു. ഇതിനു ശേഷമാണ് അദ്ദേഹത്തെ വീണ്ടും ചോദ്യം ചെയ്യാനായി വിളിച്ചുവരുത്തിയത്.
ഇന്നലെ വൈകുന്നേരം മൂന്നരയോടെ എത്തിയ എ വി ജോര്‍ജിനെ രാത്രി എട്ടോടെയാണു ചോദ്യംചെയ്യലിനു ശേഷം വിട്ടയച്ചത്. വകുപ്പുതല നടപടിയും അന്വേഷണവും നടക്കുന്നുണ്ടെങ്കിലും കേസില്‍ എ വി ജോര്‍ജിനെ പ്രതിയാക്കണോ വേണ്ടയോയെന്നുള്ള തീരുമാനം എടുക്കുന്നതിനായാണു വീണ്ടും ചോദ്യംചെയ്യാനായി എറണാകുളം സെന്‍ട്രല്‍ സ്‌റ്റേഷനു സമീപമുള്ള പോലിസ് സേഫ് ഹൗസിലേക്കു വിളിപ്പിച്ചതെന്നാണ് വിവരം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss