|    Mar 24 Fri, 2017 7:46 pm
FLASH NEWS

കശ്മീരില്‍ ഏറ്റവും വലിയ റോഡ് തുരങ്കം വരുന്നു

Published : 15th February 2016 | Posted By: SMR

ശ്രീനഗര്‍: ജമ്മു കശ്മീരില്‍ നിയന്ത്രണരേഖയ്ക്കരികിലെ ഗുരുസ് പട്ടണത്തിനടുത്ത റസ്ദാന്‍ ചുരത്തില്‍ 9,000 കോടി രൂപ ചെലവില്‍ റോഡ് തുരങ്കം നിര്‍മിക്കുന്നതിനുള്ള നിര്‍ദേശം ബോര്‍ഡര്‍ റോഡ്‌സ് ഓര്‍ഗനൈസേഷന്‍ (ബിആര്‍ഒ) കേന്ദ്ര സര്‍ക്കാരിന് സമര്‍പ്പിച്ചു. ഗുരൂസ് പട്ടണത്തെ കശ്മീര്‍ താഴ്‌വരയുടെ മറ്റു മാധ്യമങ്ങളുമായി ബന്ധിപ്പിക്കുന്ന ഈ തുരങ്കത്തിന് 18 കിലോമീറ്റര്‍ നീളമുണ്ടാകും. നിര്‍ദേശം കേന്ദ്രം അംഗീകരിക്കുന്നുവെങ്കില്‍ രാജ്യത്തെ ഏറ്റവും വലിയ റോഡ് തുരങ്കമായിരിക്കുമിത്.
ജമ്മു കശമീരിലെ 9.2 കിലോമീറ്റര്‍ നീളമുള്ള ചെനാനി-നശ്‌രി തുരങ്കത്തിന്റെ ഇരട്ടിയോളം വലുപ്പം വരും നിര്‍ദ്ദിഷ്ട തുരങ്കം. ഇതിന്റെ നിര്‍മാണം ഈ വര്‍ഷം ഒടുവില്‍ പൂര്‍ത്തിയാക്കാനാണ് ഉദ്ദേശിക്കുന്നത്. ബന്ദിപുര ജില്ലയിലെ ഗുരൂസ് പ്രകൃതിരമണീയമായ താഴ്‌വരയാണ്. മഞ്ഞുമാസങ്ങളില്‍ കനത്ത മഞ്ഞുവീഴ്ച മൂലം ഗുരൂസ്, കശ്മീര്‍ താഴ്‌വരയിലെ ഇതര ഭാഗങ്ങളുമായുള്ള ബന്ധം വിച്ഛേദിക്കപ്പെടുക പതിവാണ്. തുരങ്കം യാഥാര്‍ഥ്യമാവുന്നതോടെ ഈ പ്രശ്‌നം പരിഹരിക്കാനാവും.
റോഡ് തുരങ്കം സംബന്ധിച്ച സാധ്യതാ പഠനം പൂര്‍ത്തിയായെന്ന് ബിആര്‍ഡി ചീഫ് എന്‍ജിനീയര്‍ ബ്രിഗേഡിയര്‍ എ കെ ദാസ് അറിയിച്ചു. തുരങ്കം നിര്‍മിക്കുന്നുവെങ്കില്‍ അത് സൈന്യത്തിനും ജനങ്ങള്‍ക്കും ഒരുപോലെ ഉപകാരപ്രദമാവുമെന്നും അദ്ദേഹം പറഞ്ഞു.

(Visited 64 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക