|    May 30 Tue, 2017 2:54 pm
FLASH NEWS

കശ്മീരിലെ മഞ്ഞിടിച്ചില്‍: സൈനികന്റെ മൃതദേഹം കണ്ടെടുത്തു

Published : 21st March 2016 | Posted By: SMR

ശ്രീനഗര്‍: ജമ്മുകശ്മീരിലെ കാര്‍ഗിലില്‍ ഇന്ത്യന്‍ സൈനിക പോസ്റ്റിലുണ്ടായ മഞ്ഞിടിച്ചിലില്‍ കാണാതായ സൈനികന്റെ മൃതദേഹം കണ്ടെടുത്തു. തിരുനെല്‍വേലി വല്ലരാമപുരം സ്വദേശി വിജയ്കുമാര്‍ എന്ന ജവാന്റെ മൃതദേഹമാണ് 12 അടി താഴ്ചയില്‍നിന്ന് തിരച്ചിലിനിടെ സൈനികര്‍ കണ്ടെത്തിയത്.
മൂന്നു ദിവസത്തോളമായി സൈന്യം തിരച്ചില്‍ നടത്തിവരുകയായിരുന്നു. വിജയ്കുമാര്‍ ഉള്‍പ്പെടെ ഡ്യൂട്ടിയിലുണ്ടായിരുന്ന രണ്ടു സൈനികരാണ് ദുരന്തത്തില്‍ അകപ്പെട്ടത്. ഇതില്‍ സുജിത്ത് എന്ന ജവാനെ ആദ്യദിവസം രക്ഷപ്പെടുത്തിയിരുന്നു.
ഇദ്ദേഹത്തിന്റെ ആരോഗ്യനില തൃപ്തികരമാണെന്നും വിജയ്കുമാറിന്റെ മൃതദേഹം നാട്ടിലെത്തിക്കാനുള്ള നടപടികള്‍ പുരോഗമിക്കുകയാണെന്നും അധികൃതര്‍ അറിയിച്ചു. സമുദ്രനിരപ്പിന് 17,500 അടി മുകളിലാണ് അപകടമുണ്ടായ പ്രദേശം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day