|    Nov 21 Tue, 2017 3:37 pm
FLASH NEWS
Home   >  Kerala   >  

കശാപ്പ് നിയന്ത്രണം: കേന്ദ്രത്തിനെതിരേ കേരളം പ്രമേയം പാസ്സാക്കി

Published : 8th June 2017 | Posted By: shins

തിരുവനന്തപുരം: കന്നുകാലി കശാപ്പിന് നിയന്ത്രണം ഏര്‍പ്പെടുത്തിക്കൊണ്ടുള്ള കേന്ദ്രവിജ്ഞാപനത്തിനെതിരേ കേരളം പ്രമേയം പാസ്സാക്കി. സഭയില്‍ മുഖ്യമന്ത്രി പിണറായി വിജയന്‍ അവതരിപ്പിച്ച പ്രമേയം ബിജെപി എംഎല്‍എ ഒ രാജഗോപാല്‍ മാത്രമാണ് എതിര്‍ത്തത്. വര്‍ഷം തോറും 15 ലക്ഷത്തോളം കന്നുകാലികളെയാണ് സംസ്ഥാനത്തേക്ക് കൊണ്ടുവരുന്നതെന്നും കേന്ദ്രവിജ്ഞാപനം പുറത്തുവന്നതോടെ അത് തടസ്സപ്പെട്ടതായും മുഖ്യമന്ത്രി ചൂണ്ടിക്കാട്ടി. ഗോവധ നിരോധനമെന്ന രഹസ്യ അജണ്ടയാണ് വിജ്ഞാപനത്തിന് പിന്നിലെന്നും പിണറായി പറഞ്ഞു. അതേസമയം, സഭയില്‍ കേരളത്തെ ബാധിക്കാത്ത വിഷയമെന്തിനാണ് ചര്‍ച്ച ചെയ്യുന്നതെന്നു ചോദിച്ചു കെ എം മാണി രംഗത്തെത്തി. ഹൈക്കോടതിയുടെ പരിഗണനയിലുള്ള വിഷയം സഭ ചര്‍ച്ച ചെയ്യേണ്ടതില്ലെന്നായിരുന്നു മാണിയുടെ പക്ഷം.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക