|    Mar 26 Sun, 2017 11:10 am
FLASH NEWS

കള്ളുഷാപ്പിനെതിരേ അനിശ്ചിതകാല സമരം

Published : 19th April 2016 | Posted By: SMR

താമരശ്ശേരി: എളേറ്റില്‍ വട്ടോളിയില്‍ ജനവാസ കേന്ദ്രത്തില്‍ പ്രവര്‍ത്തിക്കുന്ന കള്ളുഷാപ്പിനെതിരെ പരിസര വാസികള്‍ അനിശ്ചിത കാല സമരം ആരംഭിച്ചു. വീടുകള്‍ക്ക് സമീപത്തായി പ്രവര്‍ത്തിക്കുന്ന കള്ളുഷാപ്പ് നീക്കം ചെയ്യണമെന്നാവശ്യപ്പെട്ടാണ് നാട്ടുകാരുടെ സമരം.
മദ്യപാനികളുടെ ശല്യം കാരണം സ്ത്രീകള്‍ക്കും കുട്ടികള്‍ക്കും പുറത്തിറങ്ങി നടക്കാന്‍ പറ്റാത്ത അവസ്ഥയാണെന്നും മദ്യപാനികള്‍ വഴിയിലും വീട്ടുപരിസരങ്ങളിലും മലമൂത്ര വിസര്‍ജനം നടത്തുന്നതായും നാട്ടുകാര്‍ പറയുന്നു. പുരുഷന്‍മാരില്ലാത്ത വീടുകളിലെത്തി അസഭ്യം പറയലും കുട്ടികളെ ഭീഷണിപ്പെടുത്തലും പതിവാണ്.
ജനവാസ കേന്ദ്രത്തില്‍നിന്നും കള്ളുഷാപ്പ് മാറ്റണമെന്ന വര്‍ഷങ്ങളായുള്ള ആവശ്യം അംഗീകരിക്കപ്പെടാതിരുന്നതിനെ തുടര്‍ന്നാണ് നാട്ടുകാര്‍ പ്രക്ഷോഭത്തിനിറങ്ങിയത്.
സ്ത്രീകളും കുട്ടികളും ഉള്‍പ്പെടെയുള്ളവരാണ് ഇന്നലെ കള്ളുഷാപ്പിനുമുന്നിന് ധര്‍ണ്ണ നടത്തിയത്. പ്രശ്‌നത്തിന് പരിഹാരമുണ്ടാവാത്ത പക്ഷം പ്രക്ഷോഭം ശക്തമാക്കാനാണ് ഇവരുടെ തീരുമാനം.

(Visited 75 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക