|    Jun 28 Wed, 2017 10:53 am
FLASH NEWS
Home   >  Todays Paper  >  page 7  >  

കള്ളപ്പണ നിക്ഷേപം: സ്വിസ് അധികൃതര്‍ നടപടി തുടങ്ങി

Published : 2nd December 2016 | Posted By: SMR

ബേണ്‍/ ന്യൂഡല്‍ഹി: കള്ളപ്പണ നിക്ഷേപത്തെക്കുറിച്ചുള്ള വിവരങ്ങള്‍ സ്വഭാവികമായി ഇന്ത്യയുമായി പങ്കുവയ്ക്കുന്ന സംവിധാനത്തിന് സ്വിറ്റ്‌സര്‍ലന്‍ഡ് നിയമപരമായ നടപടിക്രമങ്ങള്‍ തുടങ്ങി. 2018 ജനുവരി 1 മുതല്‍ പ്രാബല്യത്തില്‍ വരുന്ന ഈ സംവിധാനം അനുസരിച്ച് 2019 മുതല്‍ ഇന്ത്യക്ക് വിവരങ്ങള്‍ ലഭിച്ചുതുടങ്ങുമെന്നാണ് പ്രതീക്ഷിക്കുന്നത്. അടുത്ത വര്‍ഷം മാര്‍ച്ച് 15 വരെ നടപടിക്രമങ്ങള്‍ തുടരുമെന്ന് സ്വിസ് ഫെഡറല്‍ ഡിപാര്‍ട്ട്‌മെന്റ് ഓഫ് ഫിനാന്‍സ് (എഫ്ഡിഎഫ്) അറിയിച്ചു. കഴിഞ്ഞ മാസം 22ന് ഇന്ത്യയും സ്വിറ്റ്‌സര്‍ലന്‍ഡും തമ്മില്‍ ഒപ്പുവച്ച സംയുക്ത കരാര്‍ അനുസരിച്ചാണ് സംവിധാനം നടപ്പാക്കുന്നത്. അന്‍ഡോറ, അര്‍ജന്റീന, ബാര്‍ബഡോസ്, ബര്‍മുഡ, ബ്രസീല്‍, ബ്രിട്ടിഷ് വെര്‍ജിന്‍ ദ്വീപുകള്‍, കെയ്മാന്‍ ദ്വീപുകള്‍. ചിലി ഫറോ ദ്വീപുകള്‍, ഗ്രീന്‍ലന്‍ഡ്, ഇസ്രായേല്‍, മൊറീഷസ്, മെക്‌സിക്കോ, മൊണാകോ തുടങ്ങിയ രാഷ്ട്രങ്ങളുമായും സ്വിറ്റ്‌സര്‍ലന്‍ഡ് ഇത്തരം സംവിധാനപ്രകാരം നടപടിക്രമങ്ങള്‍ക്ക് തുടക്കം കുറിച്ചിട്ടുണ്ട്. ഓട്ടോമാറ്റിക് എക്‌സ്‌ചേഞ്ച് ഓഫ് ഇന്‍ഫര്‍മേഷന്‍ എന്നാണ് ഈ സംവിധാനത്തിന്റെ പേര്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക