|    Sep 25 Tue, 2018 2:21 pm
FLASH NEWS
Home   >  Todays Paper  >  page 7  >  

കള്ളപ്പണം വെളുപ്പിച്ച കേസ്: ഛഗന്‍ ഭുജ്ബലിന് ജാമ്യം

Published : 5th May 2018 | Posted By: kasim kzm

മുംബൈ: കള്ളപ്പണം വെളുപ്പിച്ച കേസില്‍ എന്‍സിപിയുടെ മുതിര്‍ന്ന നേതാവും മഹാരാഷ്ട്ര മുന്‍ ഉപമുഖ്യമന്ത്രിയുമായ ഛഗന്‍ ഭുജ്ബലിന് മുംബൈ ഹൈക്കോടതി ജാമ്യം അനുവദിച്ചു. അഞ്ച് ലക്ഷം രൂപയുടെ വ്യക്തിഗത ബോണ്ട് കെട്ടിവയ്ക്കാന്‍ ജസ്റ്റിസ് പി എന്‍ ദേശ്മുഖ് ഭുജ്ബലിന് നിര്‍ദേശം നല്‍കി. 2016 മാര്‍ച്ചിലാണ് അദ്ദേഹത്തെ അറസ്റ്റ് ചെയ്തത്. ചോദ്യം ചെയ്യാന്‍ വിളിക്കുമ്പോള്‍ എന്‍ഫോഴ്‌സ്‌മെന്റ് ഡയറക്ടറേറ്റിന്റെ മുമ്പില്‍ എത്തണമെന്നതടക്കമുള്ള ഉപാധികളോടെയാണ് ജാമ്യം അനുവദിച്ചത്. ആരോഗ്യപരമായ കാരണങ്ങളാല്‍ തനിക്ക് ജാമ്യം അനുവദിക്കണമെന്നഭ്യര്‍ഥിച്ച് ജനുവരിയില്‍ ഭുജ്ബല്‍ കോടതിയില്‍ ഹരജി നല്‍കിയിരുന്നു.
ഭുജ്ബല്‍ സംസ്ഥാന പൊതുമരാമത്ത് വകുപ്പ് മന്ത്രിയായിരുന്ന സമയത്ത് അദ്ദേഹവും കൂട്ടാളികളും ഔദ്യോഗിക പദവി ദുരുപയോഗം ചെയ്തുവെന്നും അതുവഴി സംസ്ഥാനത്തിന് സാമ്പത്തിക നഷ്ടമുണ്ടായെന്നും എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടെത്തിയിരുന്നു.  മന്ത്രിയായിരുന്ന സമയത്ത് ഡല്‍ഹിയിലെ മഹാരാഷ്ട്ര സദന്‍ അടക്കമുള്ള നിര്‍മാണ പ്രവര്‍ത്തനങ്ങളുടെ കരാറുകള്‍ ഒരു പ്രത്യേക കമ്പനിക്ക് നല്‍കിയെന്നും പകരം അദ്ദേഹവും കുടുംബവും കോഴ സ്വീകരിച്ചുവെന്നുമാണ് കേസ്.
ഭുജ്ബലും മരുമകനായ സമീര്‍ ഭുജ്ബലും സ്വന്തം ഉടമസ്ഥതയിലുള്ള അനധികൃത കമ്പനികള്‍ വഴി കള്ളപ്പണം വെളുപ്പിച്ചുവെന്നാണ് എന്‍ഫോഴ്‌സ്‌മെന്റ് ആരോപിക്കുന്നത്. സമീര്‍ സമര്‍പിച്ച ജാമ്യാപേക്ഷ പരിഗണിക്കുന്നത് ഹൈക്കോടതി ജൂണിലേക്ക് മാറ്റി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss