|    Oct 21 Sat, 2017 3:22 am
FLASH NEWS
Home   >  Top Stories   >  

കളി ചാണ്ടിയോടു വേണ്ട മക്കളേ

Published : 15th June 2016 | Posted By: Imthihan Abdulla

തിരഞ്ഞെടുപ്പില്‍ കോണ്‍ഗ്രസ്  ദയനീയ പരാജയം ഏറ്റുവാങ്ങാന്‍ കാരണക്കാരനെന്ന് പാര്‍ട്ടിക്കുളൡലുളളവരും പുറത്തുളളവരും ഒരു പോലെ പഴിചാരിയത് ഉമ്മന്‍ചാണ്ടിയെയായിരുന്നു. കനത്ത തോല്‍വിക്കു കാരണക്കാരനായ ചാണ്ടിയെ പുറത്താക്കി പടിയടച്ച് പിണ്ഠം വെക്കുമെന്നായിരുന്നു പലരും കരുതിയിരുന്നത്. പക്ഷേ കോണ്‍ഗ്രസുകാര്‍ക്ക് ഉമ്മന്‍ചാണ്ടിയോട് ഇത്രേം പിരിശമുണ്ടെന്ന് തിരഞ്ഞെടുപ്പ് കഴിഞ്ഞപ്പോഴാണ് മനസ്സിലായത്. യു ഡി എഫ് ചെയര്‍മാന്‍ സ്ഥാനം ഉമ്മന്‍ചാണ്ടി ഏറ്റെടുക്കാന്‍ കെ പിസിസിയും ഹൈക്കമാന്റും പിന്നാലെ നടക്കുകയാണ്. പഠിച്ചപണി പതിനെട്ടും നോക്കിയിട്ടും ഉമ്മന്‍ ചാണ്ടി വഴങ്ങുന്നില്ല. തെരഞ്ഞെടുപ്പ് പരാജയത്തിന്റെ പാപഭാരം ഏറ്റെടുക്കുകയാണെന്നാണു വെപ്പ്. അതിനാല്‍ പദവികള്‍ ഒന്നും ഏറ്റെടുക്കാന്‍ താല്‍പര്യമില്ലത്രെ.എന്നാല്‍ സംഗതിയുടെ ഉളളുകളളികള്‍ വേറെയാണെന്നാണ് ചിലര്‍ അടക്കം പറയുന്നത്. അധികാരത്തിലേറിയ പിണറായി സഖാവ് താമസിയാതെ കഴിഞ്ഞ യു ഡിഎഫ് സര്‍ക്കാരിന്റെ കാലത്തെ നടപടികള്‍ ഇഴകീറി പരിശോധിക്കാന്‍ പോവുകയാണ്. സോളാറും ബാറും തുടങ്ങി മെത്രാന്‍ വരെ പുറത്തുചാടാനിരിക്കുന്നു. ഉമ്മന്‍ ചാണ്ടിയെങ്ങാനും പ്രതിപക്ഷ നേതൃസ്ഥാനമോ യു ഡി എഫ് ചെയര്‍മാന്‍ പദമോ ഏറെറടുക്കുന്ന പക്ഷം യു ഡി എഫ് സര്‍ക്കാരിന്റെ അഴിമതി സംബന്ധമായ വാര്‍ത്തകള്‍ പുറത്തു വന്നാല്‍ എന്തായിരിക്കും സ്ഥിതി. സ്ഥാനമേറ്റെടുക്കാന്‍ ഇന്നു പിന്നാലെ നടക്കുന്നവന്‍ തന്നെ നാളെ രാജി ആവശ്യപ്പെടും. പക്ഷേ കളി ചാണ്ടിയോടു വേണ്ട മക്കളേ എന്നാണത്രേ കൂഞ്ഞൂഞ്ഞ് പറഞ്ഞത്. അതുകൊണ്ട്  തല്‍ക്കാലം സ്ഥാനമാനങ്ങളൊന്നും ഏറ്റെടുക്കാതിരിക്കാം.എല്‍ ഡി എഫ് സര്‍ക്കാരിന്റെ ആരംഭ ശൂരത്വമെല്ലാം കഴിഞ്ഞ് കാര്യങ്ങള്‍ ശാന്തമാവുമ്പോള്‍ അനുയോജ്യമായ പദവികള്‍ തരപ്പെടുത്തുകയും ചെയ്യാം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക