|    Jun 18 Mon, 2018 4:50 pm
FLASH NEWS
Home   >  National   >  

കളി കാര്യമായി; കൂട്ടുകാരന്റെ ഇടിയേറ്റ് വിദ്യാര്‍ത്ഥി മരിച്ചു

Published : 4th March 2016 | Posted By: swapna en

mayank 

കൊല്‍ക്കത്ത:   കൂട്ടുകാരുമായി തമാശക്ക് അടികൂടുന്നതിനിടെ സുഹൃത്തിന്റെ കൈമുട്ട്‌കൊണ്ടുള്ള ഇടിയേറ്റ് 15കാരനായ വിദ്യാര്‍ത്ഥി ദാരുണമായി മരിച്ചു. കൊല്‍ക്കത്തയിലെ ട്യൂഷന്‍ സെന്ററില്‍ വിദ്യാര്‍ത്ഥിയായിരുന്ന മായങ്ക് സുരേഖാണ് ഇടിയേറ്റ് മരിച്ചത്. സ്വകാര്യ ട്യൂഷന്‍ സെന്ററില്‍ കഴിഞ്ഞ ദിവസമായിരുന്നു സംഭവം.
ക്ലാസില്‍ ഒപ്പമുണ്ടായിരുന്ന ആറ്  സുഹൃത്തുകള്‍ക്കൊപ്പം ഇടവേള സമയത്താണ് മായങ്ക്  തമാശക്ക് അടിപിടികൂടിയത്. ഇതിനിടെ കൂട്ടുകാരിലൊരാള്‍ മുട്ടുകൈ കൊണ്ട് മായങ്കിന്റെ നെഞ്ചില്‍ ആഞ്ഞു കുത്തുകയായിരുന്നു. കുത്തേറ്റു കുഴഞ്ഞു വീണ മായങ്കിനെ സമീപവാസികള്‍ ആശുപത്രിയിലെത്തിച്ചങ്കിലും ജീവന്‍രക്ഷിക്കാനായില്ല. അപ്രതീക്ഷിതമായ നെഞ്ചില്‍ ഏറ്റ ക്ഷതമാണ് മരണത്തിന് കാരണമെന്ന് ഡോക്ടര്‍മാര്‍ പറഞ്ഞു. മായങ്കും അവനെ മര്‍ദ്ദിച്ച കുട്ടിയും വര്‍ഷങ്ങളായി അടുത്ത സുഹൃത്തുകളായിരുന്നു. സംഭവ ശേഷം മായങ്കിനെ ഇടിച്ചെന്ന് പറയുന്ന കുട്ടി അപ്രത്യക്ഷനായെന്നാണ് റിപ്പോര്‍ട്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss