|    Aug 14 Tue, 2018 1:54 pm
FLASH NEWS

കളിത്തട്ടുംപാറയിലെ ക്രഷര്‍ യൂനിറ്റിന് അനുമതി നിഷേധിച്ചു

Published : 12th May 2018 | Posted By: kasim kzm

ഇരിട്ടി: അയ്യംകുന്ന് ഗ്രാമപ്പഞ്ചായത്തിലെ കളിത്തട്ടുംപാറയില്‍ നിര്‍മിക്കാനുദ്ദേശിക്കുന്ന ക്രഷര്‍ യൂനിറ്റുമായി ബന്ധപ്പെട്ട പ്രാരംഭപ്രവൃത്തികള്‍ക്ക് പഞ്ചായത്ത് ഭരണസമിതി അനുമതി നിഷേധിച്ചു. ഇന്നലെ ചേര്‍ന്ന ഭരണസമിതി യോഗമാണ് അനുമതി നല്‍കേണ്ടെന്നു തീരുമാനിച്ചത്.
നിലവില്‍ പഞ്ചായത്തില്‍ നാല് വന്‍കിട ക്രഷര്‍ യൂനിറ്റുകള്‍ പ്രവര്‍ത്തിക്കുന്നുണ്ട്. ഇവയെല്ലാം മേഖലയില്‍ വന്‍ പാരിസ്ഥിതിക പ്രശ്‌നമാണ് സൃഷ്ടിക്കുന്നത്. പുതിയ ക്രഷര്‍കൂടി തുടങ്ങിയാല്‍ ആഘാതം കടുത്തതായിരിക്കും. ജനങ്ങള്‍ മേഖലയില്‍നിന്ന് കുടിയൊഴിയേണ്ടി വരും.
കളിത്തട്ടുംപാറയില്‍ ക്രഷര്‍ യൂനിറ്റ് സ്ഥാപിക്കാനുള്ള ശ്രമം തടയണമെന്നും അനുമതി നല്‍കരുതെന്നും ആവശ്യപ്പെട്ട് നാട്ടുകാര്‍ രൂപീകരിച്ച സംരക്ഷണ സമിതി പഞ്ചായത്തിന് നിവേദനം നല്‍കിയിരുന്നു. ഇതു പരിഗണിച്ചാണ് ക്രഷര്‍ യൂനിറ്റിന് അനുമതി നിഷേധിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss