|    Aug 14 Tue, 2018 4:24 pm
FLASH NEWS

കളിക്കൂട്ടുകാരുടെ മരണം നാടിനെ കണ്ണീരിലാഴ്ത്തി

Published : 4th July 2018 | Posted By: kasim kzm

വാഴക്കാട്: കളിക്കൂട്ടുകാരായ കുട്ടികള്‍ കുളത്തില്‍ മുങ്ങി മരിച്ചത് നാടിനെ കണ്ണീരിലാഴ്ത്തി. വാഴക്കാട് ജിയുപി സ്‌കൂള്‍ ഇംഗ്ലീഷ് മീഡിയം രണ്ടാം ക്ലാസ് വിദ്യാര്‍ഥികളായ ചെറുവായൂര്‍ ചിറ്റന്‍ കക്കാട്ടിരി റിയാസിന്റെ മകന്‍ മുഹമ്മദ് റിഷാന്‍ സി കെ (7), വേലീരിപൊറ്റ അബ്ദുല്‍ റഷീദ് മാഷുടെ മകന്‍ അഷ്ഫാന്‍ വി പി (7) എന്നിവരാണ് ഇന്നലെ വൈകീട്ട് സ്രാമ്പ്യ കുളത്തില്‍ മുങ്ങിമരിച്ചത്. സ്‌കൂള്‍ വിട്ടുവന്ന ഇരുവരും സൈക്കിളില്‍ കളിക്കാന്‍ പോയതായിരുന്നു.
റോഡിനടുത്തുള്ള കുളമാണെങ്കിലും സംഭവ സമയം ആരും അതിലെ വന്നിരുന്നില്ല. വൈകീട്ട് ആറോടെ ഇതുവഴിയെ പോയ ഒരാള്‍ സംശയം തോന്നി നോക്കിയപ്പോഴാണ് കുട്ടികള്‍ വെള്ളത്തില്‍ പൊങ്ങിക്കിടക്കുന്നത് കണ്ടത്. മുഹമ്മദ് റിഷാന്റെ മയ്യിത്ത് കണ്ണത്തുംപാറ ജുമാ മസ്ജിദിലും അഷ്ഫാന്റെ മയ്യിത്ത് വാഴക്കാട് വലിയ ജുമുഅത്ത് പള്ളി ഖബര്‍സ്ഥാനിലുമാണ് സംസ്‌കരിച്ചത്. രാത്രിയാണെങ്കിലും നൂറുകണക്കിനു പേര്‍ മയ്യിത്ത് നമസ്‌കാരത്തിനെത്തി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss