|    Aug 21 Tue, 2018 1:37 am
FLASH NEWS

കല്‍പ്പറ്റ ബൈപാസില്‍ വന്‍ കുഴി രൂപപ്പെട്ടു

Published : 23rd July 2018 | Posted By: kasim kzm

കല്‍പ്പറ്റ: ബൈപാസില്‍ മൈലാടിപ്പാറയ്ക്കു സമീപം വന്‍ കുഴി രൂപപ്പെട്ടു. ഇന്നലെ രാവിലെ പത്തോടെയാണ് പത്തടി വ്യാസത്തിലും ആറടിയോളം താഴ്ചയിലും റോഡ് ഇടിഞ്ഞുതാഴ്ന്ന് കുഴി രൂപപ്പെട്ടത്്. ബൈക്കില്‍ വരികയായിരുന്ന റാട്ടക്കൊല്ലി സ്വദേശി മുന്‍ഷാദ് കുഴിയില്‍ വീണെങ്കിലും തലനാരിഴയ്ക്കു പരിക്കേല്‍ക്കാതെ രക്ഷപ്പെട്ടു.
ഈ ഭാഗത്ത് വലിയ വാഹനങ്ങളുടെ ഗതാഗതം നിയന്ത്രിച്ചിട്ടുണ്ട്. കുഴി രൂപപ്പെട്ടതോടെ റോഡിന്റെ ഒരു വശത്തുകൂടെ മാത്രമേ വാഹനങ്ങള്‍ കടത്തിവിടുന്നുള്ളൂ. ഭാരമേറിയ വാഹനങ്ങളെ ടൗണിലൂടെ കടന്നുപോവണം. കൈനാട്ടിയിലും ട്രാഫിക് ജങ്ഷനിലുമായി പോലിസ് ഗതാഗതം നിയന്ത്രിക്കുന്നുണ്ട്. റോഡിന്റെ ഒരുവശം വലിയ കൊക്കയായതിനാല്‍ കുഴി രൂപപ്പെട്ടത് വലിയ ഭീഷണിയായി. ചാലുകളിലൂടെ വെള്ളം ഒലിച്ചിറങ്ങിയതാവാം റോഡ് ഇടിഞ്ഞുതാഴാന്‍ കാരണമെന്നാണ് കരുതുന്നത്. സി കെ ശശീന്ദ്രന്‍ എംഎല്‍എ സ്ഥലം സന്ദര്‍ശിച്ചു. ദേശീയപാതാ അതോറിറ്റി ഉദ്യോഗസ്ഥരും സ്ഥലത്തെത്തി പരിശോധന നടത്തി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss