|    Jul 26 Wed, 2017 6:21 am
FLASH NEWS

കല്ലൂര്‍ പുഴയോരത്ത് മാലിന്യനിക്ഷേപം

Published : 25th December 2015 | Posted By: SMR

സുല്‍ത്താന്‍ ബത്തേരി: ദേശീയപാത 212ല്‍ കല്ലൂര്‍ പുഴയ്ക്കു സമീപം മാലിന്യം നിക്ഷേപിക്കുന്നതു പതിവായി.
ചാക്കുകളില്‍ കെട്ടിയാണ് മാലിന്യം നിക്ഷേപിക്കുന്നത്. പുഴയോട് ചേര്‍ന്നുള്ള പാതയോരത്തെ കാടുകള്‍ വെട്ടാത്തതും മാലിന്യനിക്ഷേപത്തിനു കാരണമാവുന്നു. നൂല്‍പ്പുഴ പഞ്ചായത്തിലെ പ്രധാന ജലസ്രോതസ്സാണ് കല്ലൂര്‍ പുഴ.
രാത്രികാലങ്ങളില്‍ കച്ചവടസ്ഥാനങ്ങളില്‍ നിന്നും ബാര്‍ബര്‍ ഷോപ്പുകളില്‍ നിന്നുമുള്ള മാലിന്യങ്ങളാണ് ചാക്കുകളിലാക്കി പുഴയിലും പുഴയോരത്തുമായി നിക്ഷേപിക്കുന്നത്. ഇതോടെ പുഴവെള്ളം മലിനമാക്കപ്പെടുന്നതിനൊപ്പം ദുര്‍ഗന്ധം കാരണം ഇതുവഴി സഞ്ചരിക്കാനും കഴിയുന്നില്ല.
രാത്രികാലങ്ങളില്‍ പോലിസ് പട്രോളിങ് കര്‍ശനമാക്കണമെന്നാണ് നാട്ടുകാരുടെ ആവശ്യം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക