|    Dec 13 Wed, 2017 4:52 pm
FLASH NEWS
Home   >  Todays Paper  >  page 12  >  

കലോല്‍സവത്തിന് താരങ്ങളെത്തും; മോഹന്‍ലാല്‍ മുതല്‍ നിവിന്‍പോളി വരേ

Published : 19th January 2016 | Posted By: G.A.G

തിരുവനന്തപുരം: അരങ്ങിലെ താരപ്രതിഭകളെ കാണാനും മേളയ്ക്കു കൊഴുപ്പേകാനും അഭ്രപാളിയിലെ താരങ്ങളെത്തും. മലയാളത്തിന്റെ മഹാനടന്‍ മോഹന്‍ലാല്‍ മുതല്‍ ന്യൂജനറേഷന്‍ ഹീറോ നിവിന്‍പോളി വരെയാണ് കൗമാരമേളയുടെ ഭാഗമാവുക. ഉദ്ഘാടന ചടങ്ങിലും സമാപന ചടങ്ങിലും താരസാന്നിധ്യം ഉറപ്പാക്കുമെന്ന് സംഘാടകര്‍ അറിയിച്ചിട്ടുണ്ട്. ഇന്നത്തെ ഉദ്ഘാടന ചടങ്ങില്‍ സിനിമാസംവിധായകന്‍ ജയരാജ്, എം ജി ശ്രീകുമാര്‍ എന്നിവര്‍ പങ്കെടുക്കും. 25ന് സമാപന സമ്മേളനത്തില്‍ യുവതാരം നിവിന്‍ പോളിയും ഹാസ്യതാരം സുരാജ് വെഞ്ഞാറമൂടും സംബന്ധിക്കും. വിവിധ ദിവസങ്ങളില്‍ മോഹന്‍ലാല്‍, ദുല്‍ഖര്‍ സല്‍മാന്‍, സുധീര്‍ കരമന ഉള്‍പ്പടെയുള്ള താരനിര കൗമാര മികവിനെ പ്രോല്‍സാഹിപ്പിക്കാനെത്തുമെന്ന് സംഘാടകര്‍ പ്രതീക്ഷിക്കുന്നു. ഇതിനുപുറമെ മുന്‍കാല കലോല്‍സവങ്ങളിലൂടെ പ്രശസ്തരായവരുടെ നീണ്ടനിരയും മേളയുടെ ഭാഗമാവും. കൊല്‍ക്കത്തയില്‍നിന്നുള്ള പ്രശസ്ത ഇന്ത്യന്‍ നര്‍ത്തകി സുസ്മിത ബാനര്‍ജി കഥക് നൃത്തവുമായി അനന്തപുരിയുടെ മനം കവരും. 22ന് ഗാന്ധിപാര്‍ക്കിലെ സാംസ്‌കാരികോല്‍സവത്തിലാണ് സുസ്മിത ബാനര്‍ജി കഥക് നൃത്തം അവതരിപ്പിക്കുക.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക